Felepae 1:12 - mzwDBL

¹² Yabala, n dɛ nyin kɛ he jemɛ kɛŋɔ wedɛɛɡa le waa aa chiɡ n nɛɛ la ta, dɛ́ ɡel Amanesoma la won kaa sie.

Felepae 1:12 Iomraidhean Croise

Ɛsta 9:1

Adar korobie tɔpera fi dɛ atoro weeree tɔpere kooro aa do mmara ŋɔ, Júu tena pɛ nyoa dɛ́ yo ba dɔma. Dɛ ba dɔma la dɛ lii kɛ baa won yoo ba dɛ́ pɔ ba nɛ. Kɛ waa la berɔ berɛ. Juu tena la pɛ nyoa yo ba dɔma, dɛ pɔ ba nɛ.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Amanesoma Luk Aa Chwera Tɔn 21:13

Belaa hɛɛ ba ŋwɛnɛ dɔe dɛ́ bol Amanesoma la baɡ ba.

We-ɛɛla 8:4

Bobɛlbwa asɔre tena la aa peɡra dɛ kaa la, ba bol Amanesoma la dɛɛ ɡaaɡe.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Felepae 1:5

pɛɛ ya ne he bwa aa pɛa dɛɛ cha dɔŋa Amanesoma toma la ta le mumpar ba le fini la nomanta.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

Felepae 2:22

He ɡba jemɛ ɡɛ o waa aa dɔ kasinteŋ dɛ do wer. N ne o pɛo wɛɛ cha mɛ Amanesoma toma la ta kɛŋɔ bechala ne o mɛɛ.

Felepae 4:15

He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.