Ɛsra 9:2 - mzwDBL

² Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

Ɛsra 9:2 Iomraidhean Croise

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

1 Koranar 11:1

Ijipt Kooro bihaah Kooro Solomɔn aa moo la habɔɔ, o berɔ nyin Moab ne Amɔn ne Edom ne Sidon dɛ Hiti tena bihaahna.

Ɛsra 10:2

Belaa Jehiel bibaa Sɛkania waa ɛ Elam naa la bini bɛl ŋɔ Ɛsra be ŋɔ, “Ya waa ta kasinteŋ dɔe tɛ Korowii yaa dɛ tomɔ, kɛŋɔ yaa dɛ mo harɛre nɛra baa soɡa bar yaa nɔ haahna nɔ. Kɛ ane a bwa, ya Israel tena ta dɔ hwɛɡa.

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’

Ɛsra 9:14

Yaa wono teŋɛ dɛɛ koni waa haa dɛ do yaa a ta, ya ne nɛra baa dɛ ɛ waa baa kia nɔ kaa mo dɔŋa bihaahna, kɛɛ bihaahna kaa yalɛ ba bibaala aa? He baah aa ya nɛɛ di kohona he chɔɡ yaa, ya bini bɛlbwa aa wola ka dɛ́ so le kpa aa?

Nehemia 13:17

N baah di Juu tena nomonome nɛ, dɛ ŋɔ ba be ŋɔ, “Waa aa ɛ wechɔɡaa he ɛ dɛ kpɔ dɛɛ chɔɡ Ona Tɔpere la.

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Kaala 19:6

mɛɛ kpɔ heyaa ɛ n sɔfore maa le heyaa cheɡ hɛɛ ɛ n toma. Gɛɛ chɛ kɛ hé bol baɡle Israel tena.”

Kaala 22:31

A chɛ kɛ hé ɛ n nɛra haa do ɡoroŋ. Anomanta, he bɛ ol kpɔɡ bini olchɔɡaa aa kpoo la dɛɛ chwe. Nyootenaa chɛ kɛŋɔ hé kpɔa tɛ.”

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Lewi Dea Tena 21:15

Gɛɛ dɛ ɡel o bɛ doŋa kpɔ kah o bii o nɛra bini. Korowiirii leo o do ɡoroŋ.

Malakae 2:11

Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

2 Kɔrent 6:14

He bɛ ɡel he ne nɛra baa wola Korowii waa lɛɛ la pɛ dɛ ɛ beŋkpoŋ, dɛkalkɛ darame bɛlbwa toole wedɛɛɡa ne wechɔɡa baah. Ɛrɛɛ bochaah ne biro ɛɛ ba wona pɛ a maɡre ɔ?

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

Josua 23:12

Kɛ dɛ he kpɔ he te ka pɛ ɡɛ nɛra baa kaa he ne ba so nɔ nɛ, dɛ mo ba bihaahna asɛ ba ɡe mo he kwa aa,