Ɛsra 7:1 - mzwDBL

¹ Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 7:1 Iomraidhean Croise

2 Koranar 22:4

“La Sɔfonomoa Hilkia be, ásɛ o lɛ suuɡa nɛra aa dɛ ba a ne Korowii Dea la le nɛra baa dɛ nyiŋi doonyoone ta la be cheɡ.

2 Koranar 22:8

Sɔfo nomoa Hilkia ŋɔ koodem karake Safan waa chwerɛ waa dɛɛ bil la be ŋɔ, “N na Korowii Mmara Tɔn waa nyoɡra la Korowii Dea.” Asɛ dɛ kpɔ tɛ Safan o kure.

2 Koranar 25:18

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

1 Webena 9:11

ne Hilkia bibaa Asaria, ne Mɛsolam bibaa Hilkia ne Sadɔk bibaa Mɛsolam, ne Merayɔt bibaa Sadɔk, ne Ahitub bibaa Merayɔt. Asaria, dɛ onee nomoa dɛɛ nyiŋi Korowii Dea la ta.

2 Webena 34:15

Asɛ sɔfo Hilkia ŋɔ karake Safan waa chwerɛ waa dɛɛ bil la be ŋɔ, “N na Korowii Mmara Tɔn waa nyoɡra la Korowii Dea.” Asɛ o kpɔ tɔn la tɛ Safan.

2 Webena 34:9

Ba la Sɔfonomoa Hilkia be, dɛ kpɔ suuɡa Lewi dea tena baa dɛ daah Korowii Dea doonyoo aa lɛa le Manasɛ ne Efrem deene tena, ne Israel tena baa kaa la be, ne Juda harɛ nɛra bwa, ne Bɛnjamen dea tena, dɛ nɛra baa lɔ Jerusalam tena be la ba tɛo.

Ɛsra 4:7

A habɔɔ, Koojen Atasɛksɛs aa baa di kora Pɛɛsea harɛ ta la, baala bane baa dɛ yer ba Bislam ne Mitredat, ne Tabeel dɛ nɛra baa ja ba nɛ chwerɛ tɔn ka tɛ Koojen Atasɛksɛs. Aram tena wobol taa ba chwera, asɛ nɛn waa kure la, ó baɡle a mun.

Ɛsra 6:14

Korowii keamere Haɡae ne Sekaria ɡbemba baa do Juu tena nomonome la nomanta, Korowii Dea toma la kaa sie ɡɛ aa chɛa. Ba tonɛ Dea la toma ɡɛ Korowii Israel tena aa dɛ tomɔ, ne Pɛɛsea harɛ Koojena Saeros, ne Dareɔs dɛ Atasɛksɛs aa do ba la.

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Ɛsra 7:12

“Tɔn nɔ le men Atasɛksɛs maa ɛ koranar bwa koojen be. N chwerɔ dɛɛ tɛ sɔfo Ɛsra haa ɛ chicha, dɛɛ baɡle Korowii Waa Dɛ Di Kora Nyundua la Mmarare. N dɛ nae.

Ɛsra 7:2

Salum lolɛ Hilkia, Sadɔk lole Salum, Ahitub lolɛ Sadɔk,

Ɛsra 7:21

Taraken, men Koojen Atasɛksɛs dɛ do Yufretis Moo wee cholibɔr harɛ nɛra baa dɛ cheɡ n harɛ suuɡare la ŋɔ, bá do sie tɛ sɔfo Ɛsra waa ɛ Korowii Waa Dɛ Di Kora Nyundua chicha dɛɛ baɡle o Mmarare bini la komɛlbwa waa dɛ nyin,

Nehemia 11:11

dɛ Hilkia bibaa Seraya o nabaa aa ɛ Mɛsolam. O nabaalaa Sadɔk ne Merayɔt dɛ Ahitub o fa aa ɛ Sɔfonomoa.

Nehemia 2:1

Koojen Atasɛksɛs aa di kora bene fifraanɛ, korobie Nisan ta la, ba ba sen ne ba tɛo. Asɛ n lɛ dɛ kpɔ ka tɛo. Dɛ o ta men nae n waa do sum o be bwa.

Nehemia 8:1

Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.