Ɛsra 4:8 - mzwDBL

⁸ Rehum waa ɛ nomoa dɛɛ nyiŋi harɛ la bampera bobɛl, ne karake Simsai waa chwerɛ waa dɛɛ bil, chwerɛ Jerusalam waa aa teŋa nɔ ba tɛ Koojen Atasɛksɛs.

Ɛsra 4:8 Iomraidhean Croise

2 Samoɛl 20:25

Sɛva ɛ kɔɔto karake, asɛ Sadɔk ne Abiata ɛ sɔfore,

2 Samoɛl 8:17

asɛ Ahitub bibaala Sadɔk ne Abiata bibaala Ahemɛlɛk ɡe ɛ sɔfore, asɛ Seraya ɡe ɛ ba karake waa chwerɛ waa dɛɛ do tɔne bini.

2 Koranar 18:18

Ba kaa yerɛ Kooro Hɛsɛkea, asɛ o tomɛ Hilkia bibaa Eliakim, onee dɛɛ nyiŋi koodem bela waa ta, ne Sɛbna waa ɛ koodem bela karake, dɛ Asaf bibaa Joa waa chwerɛ harɛ la waa dɛɛ do tɔne bini, asɛ ba bwa le, dɛ ka chem ba.

Ɛsra 4:17

Ate, koojen la chaŋe ŋɔ, “Tɔn nɔ dɛ ba Rehum waa ɛ nomoa dɛɛ nyiŋi harɛ la bampera, ne Simsai waa ɛ karake dɛ chwerɛ waa dɛɛ bil, dɛ nɛra baa ja ba nɛ, dɛ so bwɛjen Samaria ne Yufretis Moo wee cholibɔr baŋ pera bobɛlbwa kɛŋɔ, n dɛ na ba.

Ɛsra 4:7

A habɔɔ, Koojen Atasɛksɛs aa baa di kora Pɛɛsea harɛ ta la, baala bane baa dɛ yer ba Bislam ne Mitredat, ne Tabeel dɛ nɛra baa ja ba nɛ chwerɛ tɔn ka tɛ Koojen Atasɛksɛs. Aram tena wobol taa ba chwera, asɛ nɛn waa kure la, ó baɡle a mun.

Ɛsra 4:9

“Tɔn nɔ le Rehum waa ɛ nomoa dɛɛ nyiŋi harɛ la bampera, ne karake Simsai waa chwerɛ waa dɛɛ bil be. Bane ba bala baa jaa bwa, nɛra baa bol waa dɛɛ pa bole, dɛ nomonome baa dɛ nyiŋi nɛra baa le Tripolis, ne Pɛɛsea ne Ɛrɛk ne Babelɔn, dɛ Elam tena baa lɔ Susa,