Ɛsra 4:4 - mzwDBL

⁴ Belaa nɛra baa soɡa bar ba la pa mun dɛɛ chɔɡ Juu tena la liire, a ɡel baa ɔmɛ Korowii Dea la toma ɛɛ.

Ɛsra 4:4 Iomraidhean Croise

2 Samoɛl 4:1

Kooro Sɔɔl bibaa Esbɔsɛt aa baa no kɛŋɔ Abna sewɛ Hɛbrɔn la, o ɔmɔ asɛ Israel tena bwa ɡe bambile teŋe.

Ɛsra 3:3

A lole kɛŋɔ dɛ ba dɛ ɔmɛ nɛra baa bar ba cheme la te, kɛ ba berɔ kwaa ma saraha kon la cheɡ o buɡ bene la ta, dɛ fuh kwaa chɔɔ ne jɔmɔra ɛ sarahare dɛɛ tɛ Korowii o ta.

Ɛsra 4:5

Ba yawɛ Pɛɛsea harɛ nomonome sen ŋɔ bá chɔɡ vɔrɔwa bɛlbwa baa dɛ vɔrɔwe Dea la toma wa, dɛ le Pɛɛsea Koojena Saeros ne Dareɔs kora dii saŋ bwa.

Nehemia 4:11

Ya dɔma la berɔ ŋɔ, “Ba ne ŋɔ ba jemɛ kɛɛ dɛ na yaa la, dɛ ya jo ba bini dɛ́ kpoo ba, ásɛ toma la den ka dɛ́ ba a jaɡa.”

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Nehemia 6:9

Dɛ ba dɛ nyin ba aah yaa, ásɛ ya bwara yɔr ya ɡel toma la ɛɛ. Asɛ n soŋe Korowii ŋɔ, “N Naa Korowii, tɛ mɛ bokpeɡa!”

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Daneɛl 10:13

Asɛ nyundua torome waa dɛ di Pɛɛsea harɛ kpeɡri la ba tɔ mɛ ŋwɛnɛ tɔpera fifraanɛ dɛ beŋkpoŋ. Ate, Maekel waa ɛ nyundua toroma nomonome la bini bɛl ba cha mɛ, lawa baa laɡ mɛ n so Pɛɛsea harɛ ta la wa.

Daneɛl 10:20

Anee o bɔɔ mɛ ŋɔ, “He jemɛ waa aa ba n ne he be nɔ naa? Aa biɡri ń berɛ ba kaa nyundua torome waa dɛ di kpeɡri Pɛɛsea harɛ dɛ́ ka yoo laa, a habɔɔ mɔɔ nyundua torome waa dɛ di kpeɡri Grik tena harɛ ɡe ba,