Ɛsra 4:2 - mzwDBL

² Anomanta, ba ba Sɛrobabɛl ne deene nomonnyuune la be ŋɔ, “Hé ɡel ya ba cha heya Korowii Dea nɔ toma ta, dɛkalkɛŋɔ Korowii beŋkpoŋ nɔɔ ya bwa ɛɛ tomɛ, dɛ ɛ saraha dɛɛ tɛo dɛ le saŋ Asiiria koojen Esaahadon aa ba ya ne bonɔ ba so bwa.”

Ɛsra 4:2 Iomraidhean Croise

Mumpar 10:11

Waa le harɛ la ta la, o berɔ kaa Asiiria harɛ ta, asɛ dɛ ka vɔrɔwe bwɛjena ane baa dɛ yera Niniwe ne Rɛhɔbɔt Ir dɛ Kala,

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

2 Koranar 17:41

Hale baa dɛ tomɛ Korowii la, dɛ ba ta dɛ tomɛ ba voɡare. Dɛ kpoŋe ba le fini, ba naanar ta teŋɔ dɛɛ ɛ waa ba naawa fa aa dɛ ɛ la.

2 Koranar 19:37

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa le kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Ɛsra 3:12

Kɛ sɔfore baa ɛ nomonome ne Lewi dea tena, dɛ nomonnyuune baa tɔ sie na loɡle Dea la aa cheɡa dɛɛ nyiŋi baa pa Dea la mun la, ba wio dɛɛ dooɡe lɔŋɔre kɛrɛdɛ, asɛ bane ɡe ɛɛ do silɛɛ lɔŋɔre.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Yela 73:8

Ba dɛ mamɛ ba bala, dɛɛ bol ba bwara wechɔɡa, ba dɔ mbarafo, dɛɛ vɔrɔwe ɡɛ baa fiiɡi ba bala.

Aesaya 37:37

Aa ba ɡɛ la, Asiiria koojen Senakerib ɡel laa la yoi, dɛ ir ka so Asiiria bwɛjen Niniwe. Dɛ belaa ɛ koojen soŋnibɔr.

Aesaya 37:38

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

2 Timoti 3:8

Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.