Ɛsra 3:2 - mzwDBL

² asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Ɛsra 3:2 Iomraidhean Croise

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

1 Webena 23:14

Ba kure Korowii bonɔɔ Mosis bibaala kɛŋɔ Lewi dea tena pera.

1 Webena 3:17

Kooro Jehoiachin baa lawɔ laa ta kaa Babelɔn harɛ ta naanar waa nɔ. Dɛ o dɔ bibaala banuanɛ, banee teŋa nɔ. Sealteɛl,

1 Webena 3:19

Pɛdaya ɡe iro, dɛ lolɛ bibaala banɛ. Banee, Sɛrobabɛl ne Simee. Sɛrobabɛl ɡe lolɛ bibaala banɛ. Banee, Mɛsolam ne Hanania. Ba nimambie sɔne Sɛlomet.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

Ɛsra 10:18

Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Ɛsra 10:20

Le Ima naanar ɡe bini, Hanani ne Sebadia.

Ɛsra 10:21

Le Harim naanar bini, Maaseya ne Elaeja ne Sɛmaya ne Jehiel dɛ Usia.

Ɛsra 10:22

Le Pasur naanar bini, Elionai ne Maaseya ne Ismael ne Nɛtanɛl ne Josabad dɛ Elasa.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Nehemia 12:1

Sɔfore ne Lewi dea tena baa teŋɛ Sealteɛl bibaa Sɛrobabɛl ne Sɔfonomoa Jesua nɛɛ ba le bojaŋ harɛ baa laɡ ba kaa ta ba laanee nɔ. Seraya ne Jeremia dɛ Ɛsra,

Nehemia 12:8

Lewi dea tena ɡe sɔnaa, Jesua ne Binui ne Kadmiel, ne Sɛrebea ne Juda dɛ Matania, ne o bala baa ja o nɛ. Banee chɔ yela baa ɡoa dɛɛ kpɛɛ Korowii Dea la nyoa.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Kaala 27:1

Korowii berɔ ŋɔ Mosis be ŋɔ, “Kpɔ akaasia daa kwaa kon baa ɛ saraha o ta dɛɛ tɛ mɛ. Gel o jaŋne ne o paɡri bwa ɛ beŋkpoŋ. O jaŋne ɛ naɡale anuanɛ ne tama, o paɡri ɡe naɡale anuanɛ ne tama. O daŋa ɡe ɛ naɡale anaarɛ ne tama.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Haɡae 1:14

Ate, Korowii ɡel Juda harɛ nomoa Sɛrobabɛl, ne Sɔfonomoa Josua dɛ nɛra baa kaa la bwa bwara ir, ba pa mun ɛ Koranar Bwa Kooro baa dɛ tomɔ Dea la toma mun.

Haɡae 2:21

“Ŋɔ Juda harɛ ta nomoa Sɛrobabɛl be ŋɔ, ‘Mɛɛ yiiɡi nyundua ne harɛɛ.

Haɡae 2:23

Awola tɔpere la, mɛɛ le hen Sɛrobabɛl haa ɛ n bonɔɔnee, ásɛ hɛɛ nyiŋi harɛ la ta n sɔn ta, henee ń le. Men Koranar Bwa Kooroo bola.’ ”

Sekaria 3:1

Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Sekaria 6:11

Kpɔ suuɡapoŋa ne suuɡaswɛm la kwaa kooɡbɛrɛ, dɛ́ kpɔ pi Jehosadak bibaa Sɔfonomoa Josua.

Nɛra Kura 28:2

ó bol Israel tena la be ŋɔ, “Hé kpɔ mea aa chɛ kɛ hé kpɔ ba ɛ saraha saŋ aa chɛa ta, dɛ́ fuah a sɔɔh do som Korowii be.

Amanesoma Luk Aa Chwera Tɔn 3:27

Jɔda ɡe mɛɛɛ Jɔhanan, asɛ Jɔhanan la ɡe mɛɛɛ Resa. Resa ɡe mɛɛɛ Sɛrobabɛl, Sɛrobabɛl ɡe mɛɛɛ Sealteɛl, Sealteɛl ɡe mɛɛɛ Nɛre,

Sitɔɔla 6:24

Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.