Ɛsra 2:1 - mzwDBL

¹ Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,

Ɛsra 2:1 Iomraidhean Croise

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

1 Webena 9:1

Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

1 Webena 9:2

Nɛra baa tɔ sie dɛ berɛ ba so ba ɡbaɡba deremi ta ne ba bwɛɛre ta laanee, Israel tena la bini bane ne sɔfore ne Lewi dea tena, dɛ bonɔɔna baa dɛ ɛ Korowii Dea toma.

Ɛsra 1:11

Suuɡaswɛm ne suuɡapoŋa koŋkwaa ne anɔ la aa jaa bwa lɔ kaɡboŋa anue lafraanaarɛ. Asɛ Sɛsbasa kpɔ a bwa, ɡɛ saŋ o ne nɛra baa laɡ ba kaa bojaŋ harɛfale ta Babelɔn dɛɛ ba Jerusalam la ba.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Ɛsra 2:70

Sɔfore ne Lewi dea tena ne yelɡoola, ne nɛra baa dɛ daah Korowii Dea doonyoo, dɛ banɔ la baa dɛ ɛ toma Korowii Dea la soɡe ba bwɛɛre ta, ba ne nɛra la bane. Asɛ Israel tena baa kaa la ka so bwɛɛre ba naawa fa aa soɡe a ta la ta.

Ɛsra 5:8

N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Ɛsra 6:2

Baa ka dɛ nyiŋi la, ba na tɔn bɛl bwɛjen baa dɛ yerɔ Ɛkbatana waa lɔ Midia harɛ ta, asɛ ba chwerɛ waa aa teŋa nɔ o bini ŋɔ,

Ɛsra 8:35

Nɛra baa laɡ ba kaa bojaŋ harɛ ta aa le bela ba la, ba kpɔ saraha kwaa ba ba fuh tɛ Korowii Israel tena aa dɛ tomɔ. Ba kpɔ nabala fi dɛ anɛ tɛ Israel harɛ tena bwa, pebala fifraanuanaarɛ dɛ anumɛl ne pebali fifraanuanɛ dɛ anuanɛ, asɛ dɛ kpɔ bombala fi dɛ anɛ ɡe ɛ wechɔɡa kpɔe dɛ kɛ saraha soŋe ba wechɔɡa. Ba fuh ɡɛ kwaa nɔ bwa ɛ saraha tɛ Korowii.

Nehemia 12:1

Sɔfore ne Lewi dea tena baa teŋɛ Sealteɛl bibaa Sɛrobabɛl ne Sɔfonomoa Jesua nɛɛ ba le bojaŋ harɛ baa laɡ ba kaa ta ba laanee nɔ. Seraya ne Jeremia dɛ Ɛsra,

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Ɛsta 1:11

O ŋɔ bá lawɛ o haah Vasti ó kpɔ o ɡbɛrɛ waa dɛ baɡle kɛŋɔ o ɛ kooro haah la pi, dɛ́ kpɔɔ ba o sie. Vasti wer kɛrɛdɛ, anomanta, kooro la dɛ nyin kɛ Vasti kpɔ o te ba baɡle nomonjena, ne nɛra baa cheme bela la bwa, ásɛ ba na o wer waa doa.

Ɛsta 1:3

Waa di kora bentooro te ta la, o yerɛ o nomonjena ne o nomonome bwa ba cheme, asɛ ba di kondikonjena dɛ lɛ ba sie. Pɛɛsea harɛ ne Midia harɛ laa nomonome, ne nomonome baa chɔ o harɛre bwa nyoo ne nomonjena balɔ.

Ɛsta 1:8

O ŋɔ nɛra baa cheme bela la bɛlbwa nyɔ sen la ɡɛ del waa won nyɔ. O ŋɔ o bonɔɔna la be ŋɔ bá do nomɛlbwa ɡɛ del waa dɛ nyin.

Ɛsta 8:9

Sevan korobie tɔpera fifraanɛ dɛ atoro ta la, Mɔdekae yerɛ kooro nomonome la bwa cheme, dɛ ɡel ba chwerɛ mmara tɔne ka tɛ Juu tena ne koranar, ne nomonome baa chɔ harɛre bwa nyoa, ne nomonjena dɛ le harɛre lafa fifraanɛ dɛ anuanɛ la bwa ta, dɛ le India harɛ kpoŋe kaa Itiopia harɛ ta. Ba chwerɔ ka tɛ wobobele aa lɔ harɛre la bwa ta, ne ɡɛ a bɛlbwa chwera aa doa, hale Juu tena bwa jao.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Wiile 1:5

O dɔma pɔ o nɛ, dɛɛ di kpeɡri. Korowiirii ŋɔa o bwara nyɛɡ o wechɔɡa aa kana kohona la wa. Ba lawɛ o bii bwa laa ta kaa harɛfala ta o dɔma siwi ta.

Wiile 4:22

Saayɔn tena dɔ deŋnetɛra ba wechɔɡa wa, Korowii aa ɡel ba lawɛ heyaa laa ta kaa bojaŋ harɛfale ta kpa. Kɛ he Edom tena te, wɛɛ tɛr he deŋnee, dɛ́ le he nyubinikpeɡ we-ɛɛla ne baŋ.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

We-ɛɛla 23:34

O kure tɔn la, dɛ pɛɛ Pɔɔl harɛ la ta waa lea. Pɔɔl aa ŋɔa Silisiaa o le la,