Ɛsra 10:1 - mzwDBL

¹ Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Ɛsra 10:1 Iomraidhean Croise

1 Koranar 8:30

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Webena 20:13

Dɛ Juda harɛ ta baala ne ba haahna ne bii bwa cheɡɛ Korowii Dea la sie.

2 Webena 20:9

‘Dɛ wechɔɡa ane bɛlbwa ba ya nɛ, dɛ laa kɛɛ weechɔɡa kɛɛ lɔr aa, yaa ka che Dea nɔ sie he siee, dɛ́ wi noe a wa, ásɛ he no dɛ́ lɛ yaa.’

Ɛsra 10:6

Asɛ Ɛsra le Korowii Dea la sie bela dɛ kaa Eliasib bibaa Jehohanan dea. Waa lɔ bela la, o ta kondikwaa dii dɛ vɛh nee ɡe nyɔe, dɛkalkɛŋɔ dɛ o tea bini chɔɡɔ, nɛra baa kaa bane bojaŋ harɛfale ta, ba berɛ ba ba kasinteŋ bɛ dɔe la wa.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Nehemia 1:6

Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Nehemia 10:28

Nɛra la kabora baa kaa, sɔfore ne Lewi dea tena ne nɛra baa dɛ daah Korowii Dea doonyoa, ne yelɡoola ne bonɔɔna baa dɛ ɛ toma Korowii Dea, dɛ nɛra baa koh Korowii Mmara la ta teŋa waa dɛ pere ba te le harɛre nɛra baa soɡa bar ba nɛ, ne ba haahna ne bibaala ne bihaahna baa dɛ no waa mun.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 3:6

Ba bol ba wechɔɡa chaɡlo waa, dɛ o sɔ ba Korowii nee moo la ta.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

We-ɛɛla 10:30

Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

Tɔn Pɔɔl Aa Chwerɛ Rom Tena 9:2

N tea bini chɔɡɔ, n bambile ɡe aa n wee ɡel bwa.

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.