Ɛsra 1:7 - mzwDBL

⁷ A bwa habɔɔ la, Koojen Saeros berɔ kpɔ laala aa lɔ Korowii Dea Jerusalam Kooro Nebukadnesa fa aa paa, dɛ kpɔ ba cheɡ o voɡ dea bini la ba tɛɛ ba.

Ɛsra 1:7 Iomraidhean Croise

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

2 Webena 36:7

Kooro Nebukadnesa berɔ pa laala a yoɡ aa kpeɡa, dɛ do Korowii Dea la kaa Babelɔn ka do o koodem bela.

Ɛsra 5:14

O berɔ kpɔ suuɡaswɛm ne suuɡapoŋa loɡa Kooro Nebukadnesa aa paa le Korowii Dea Jerusalam ba bil o voɡ dea bini Babelɔn la ba. Ate, Koojen Saeros kpɔ ɡɛ loɡa la tɛ Sɛsbasa waa leo harɛ la nomoa, wɛɛ nyiŋi Juda harɛ ta.

Ɛsra 6:5

Anɔ la aa jaa ɡee kɛŋɔ suuɡaswɛm ne suuɡapoŋa loɡa aa lɔ Korowii Dea, Koojen Nebukadnesa aa paa le Jerusalam ba Babelɔn la, a chɛ kɛ bá berɛ kaa ane a buɡ ta bela tenten a fa aa cheɡa, Korowii Dea Jerusalam.”

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.