Ɛsra 1:4 - mzwDBL

⁴ Hé bala bane baa kaa dɛ ta so bojaŋ harɛre ta la, hé tɛɛ ba suuɡapoŋa ne suuɡaswɛm, ne laala baa kpɔ ɛ toma ne kondɛɛra, dɛ saraha kwaa aa le ba bambile ta, bá kpɔ ba Korowii Dea waa lɔ Jerusalam la bini.’ ”

Ɛsra 1:4 Iomraidhean Croise

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

1 Webena 29:3

Anɔ bwa habɔɔ, maa dɛ nyin Korowii Dea la kɛrɛdɛ nomanta, n berɔ kpɔ n ɡbaɡba suuɡaswɛm ne suuɡapoŋa dɛɛ tɛ bá kpɔ ɛ o toma.

1 Webena 29:9

Nɛra la bwa sie lɛ ɡɛ ba nomonome la aa le ba bambile ta dɛ tɛ kwaa la, Kooro Devid ɡe sie lɛo kɛrɛdɛ.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Aesaya 10:21

Ba bini tama ɛɛ berɔɔ ba Nemenɛ Korowii be.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.