Ɛsra 1:2 - mzwDBL

² O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Ɛsra 1:2 Iomraidhean Croise

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

2 Webena 2:12

Dɛ berɛ ŋɔ, “Yá kpɛɛ Korowii Israel tena aa dɛ tomɛ, o ta nyundua ne harɛ. O tɛ Kooro Devid bibaa waa dɔ wejema, dɛ dɔ waa mun noe kohona, dɛɛ ba Dea doe tɛ Korowii dɛ́ berɛ do o koodem.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Ɛsra 4:3

Kɛ Sɛrobabɛl ne Jesua, dɛ Israel deene nomonnyuune la chaŋɔ ŋɔ, “Ya ta he chae hiaeh Korowii yaa dɛ tomɔ Dea toma nɔ ta. Ya ɡbo ɛɛ doo, ɡɛ Pɛɛsea Koojen Saeros aa do yaa la.”

Ɛsra 5:15

Dɛ ŋɔ o be ŋɔ, “Berɛ kpɔ loɡa nɔ ka cheɡ Korowii Dea Jerusalam, dɛ́ berɛ kwaa ma Dea la cheɡ o buɡ bene la ta.”

Ɛsra 6:10

ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Ɛsra 6:3

Koojen Saeros aa di kora Pɛɛsea harɛ benanyoa beŋkpoŋ ta la, o do mmara Korowii Dea waa lɔ Jerusalam la waa ŋɔ, “Hé berɛ kwaa ma Korowii Dea la ó ɛ bɔr nɛra aa dɛɛ ɛ sarahare bela. Gel ba ma chɔŋɛ Dea la buɡ bene la ta. A chɛ kɛ o jaŋne dɛ́ kaa nyundua ɛ naɡale fifraanuanaarɛ, ásɛ o paɡri ɡe naɡale fifraanuanaarɛ.

Ɛsra 7:12

“Tɔn nɔ le men Atasɛksɛs maa ɛ koranar bwa koojen be. N chwerɔ dɛɛ tɛ sɔfo Ɛsra haa ɛ chicha, dɛɛ baɡle Korowii Waa Dɛ Di Kora Nyundua la Mmarare. N dɛ nae.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Yela 136:26

Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.

Yela 85:2

He kpɔ he nɛra wechɔɡa baa dɛ ɛ kɛ ba, he tɔ ba wechɔɡa ta.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Daneɛl 1:21

Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 6:25

Asɛ Kooro Dareɔs chwerɛ tɔne ka tɛ wobol te bɛlbwa nɛra baa lɔ harɛre ne o harɛ ta bwa. O ŋɔ, “N dɛ na he bwa!

Jona 1:9

Asɛ Jona ŋɔ, “Hibru tee men, Korowii Waa Dɛ Di Kora Nyundua waa ta nyundua ne harɛ ne mpo laanee mɛɛ tomɛ.”