Ɛsra 1:1 - mzwDBL

¹ Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 1:1 Iomraidhean Croise

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 4:3

Kɛ Sɛrobabɛl ne Jesua, dɛ Israel deene nomonnyuune la chaŋɔ ŋɔ, “Ya ta he chae hiaeh Korowii yaa dɛ tomɔ Dea toma nɔ ta. Ya ɡbo ɛɛ doo, ɡɛ Pɛɛsea Koojen Saeros aa do yaa la.”

Ɛsra 6:14

Korowii keamere Haɡae ne Sekaria ɡbemba baa do Juu tena nomonome la nomanta, Korowii Dea toma la kaa sie ɡɛ aa chɛa. Ba tonɛ Dea la toma ɡɛ Korowii Israel tena aa dɛ tomɔ, ne Pɛɛsea harɛ Koojena Saeros, ne Dareɔs dɛ Atasɛksɛs aa do ba la.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Ɛsra 6:3

Koojen Saeros aa di kora Pɛɛsea harɛ benanyoa beŋkpoŋ ta la, o do mmara Korowii Dea waa lɔ Jerusalam la waa ŋɔ, “Hé berɛ kwaa ma Korowii Dea la ó ɛ bɔr nɛra aa dɛɛ ɛ sarahare bela. Gel ba ma chɔŋɛ Dea la buɡ bene la ta. A chɛ kɛ o jaŋne dɛ́ kaa nyundua ɛ naɡale fifraanuanaarɛ, ásɛ o paɡri ɡe naɡale fifraanuanaarɛ.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Yela 106:46

He ɡelɔ nɛra baa dɛ fiɡ ba la bwa berɛ na ba sum.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Jeremia 1:1

Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Ɛsekeɛl 38:5

Baala baa le Pɛɛsea, ne Itiopia, dɛ Libya harɛre ta bwa ɛɛ ba ja o nɛɛ, dɛ́ kpoŋe kwaa baa kpɔa dɛɛ tɔ ba te ɡbemɡbe laa ta, ne bune ɡbɛrɛre.

Daneɛl 1:21

Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.

Daneɛl 2:1

Kooro Nebukadnesa aa di kora bennɛɛte ta la, awola bɛl o deero, asɛ o liire chɔɡ o ta wone chɔ.

Daneɛl 6:25

Asɛ Kooro Dareɔs chwerɛ tɔne ka tɛ wobol te bɛlbwa nɛra baa lɔ harɛre ne o harɛ ta bwa. O ŋɔ, “N dɛ na he bwa!

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Amanesoma Jɔn Aa Chwera Tɔn 1:23

Belaa Jɔn kpɔ Korowii keame Aesaya waa o fa aa bola la chaŋ ba ŋɔ, “Menee naate waa dɛ bol waa takpeɡ ne pua hɛŋle ɡbo harɛ ta dɛ ŋɔ, ‘Hé ɡel he we-ɛɛla toɡre, dɛ́ kpɔ he te dɛɛ kpa he Dɔɔ bala’ la.”