Ɛsta 9:2 - mzwDBL

² Juu tena baa lɔ bwɛɛre aa lɔ Kooro Sɛksɛs harɛre ta la bwa chemo kɛ, bá yo ba dɔma baa dɛ ba bá ha ba la. Nɛra la bɛlbwa ta wone puu ba yo, dɛkalkɛ wobobele aa lɔ bela la bwa nɛra dɛ ɔm ba.

Ɛsta 9:2 Iomraidhean Croise

Mumpar 35:5

Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

Ɛsta 8:11

Kooro waa la tɛ Juu tena baa lɔ bwɛjena bwa ta la kpeɡri kɛŋɔ, bá cheme dɛ́ won yo lɛ ba nyu. Ba dɔ ŋwɛnɛ kɛ bá kpoo laa tena baa le wobol bɛlbwa ne harɛ bɛlbwa ta, dɛɛ ba dɛ́ ba yo ba ne ba haahna ne bii la, dɛ́ kpɔ ba kondɔɔh.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Ɛsta 9:10

baa ɛ Hamedata bibaa Heeman bibaala. Dɛ Heeman ɛ Juu tena dɔm. Kɛ Juu tena la ta ba komɛlbwa kpɔe kaa.

Yela 71:13

Gel sihiih kpo nɛra baa cheɡɛ n nɛ, nɛra baa dɛ nyin n ne wechɔɡa la, ɡel ba di ncho kohona.

Yela 71:24

Mɛɛ bol he toɡra haa toɡra waa tɔpebir bwaa, dɛkalkɛ nɛra ba fe aa dɛ nyin n ne wechɔɡa la, sihiih kpo ba, ba wili.

Kaala 23:27

Mɛɛ ɡeloo ɔmee kohona chole he dɔma nɛ, ásɛ harɛ bɛlbwa ta tena haa ka chem ba bwa wili. Mɛɛ ɡeloo he dɔma bwa berɛ habɔɔ, dɛ́ chwa kaa.

Aesaya 8:9

Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Josua 11:20

Korowiirii saahna dɛ ɡel ba bambile do kpeɡri ba ka pu Israel tena yo, ásɛ Israel tena bɛ ba sum na, dɛ́ kpoo ba dɛ́ he ba. Gɛ Korowii aa ŋɔ Mosis be la.

Josua 2:9

dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.