Ɛsta 7:9 - mzwDBL

⁹ Kooro bonɔɔna la bini bɛl baa dɛ yerɔ Haabona waa lɔ o jwɛɛh ŋɔ o be ŋɔ, “N naa kooro, Heeman pa da o jaŋne aa ɛ naɡale fifraanuanɛ dɛ anue dɛ kaa nyundua o dem. O ɛo kɛŋɔ bá fee saɡɛ Mɔdekae waa lɛ he nyu ta la o ta.” Belaa kooro la do ba ŋɔ, “Hé ka saɡɛ Heeman o ta.”

Ɛsta 7:9 Iomraidhean Croise

2 Koranar 9:32

Asɛ Kooro Jehu ha sie dɛ nao tokoro ta dɛ ŋɔ, “Umee ja n nɛɔ?” Asɛ nomonome banɛ kɛɛ batoro baa lɔ koodem bela ba fɔɡɛ ba lure baa daah kooro haahna ba sie ne harɛ dɛɛ nyiŋu.

Ɛsta 1:10

Tɔpenuanɛ wee kooro aa nyɔ sen dɛ dɛɛ la, o yerɛ o bonɔɔna baa fɔɡɛ ba lure baa tomɔ la cheme. Banee, Mehuman ne Bista ne Haabona, ne Biɡta ne Abaɡta ne Sɛta, dɛ Kaakas.

Ɛsta 5:14

Heeman daamanar ne o haah la ŋɔ o be ŋɔ, “Gel ba pa daa o jaŋne aa ɛ naɡale fifraanuanɛ dɛ anue kaa nyundua, ásɛ he ŋɔ kooro be ŋɔ, ó ɡel ba saɡɛ Mɔdekae o ta kere chɔɔ. A ba ɡɛ naa, he ne kooro ɛɛ won berɛ la kondikonjena la bɔr, ásɛ he sie lɛ.” Ba wobol la wer tɛ Heeman kɛrɛdɛ, anomanta, o sɛoh dɛ ɡel ba pa daa la.

Ɛsta 6:14

Ba ta aa soɡa dɛɛ bol waa la, kooro bonɔɔna baa fɔɡɛ ba lure la baa kpɔ Heeman kaa kooro haah Ɛsta be kondikonjena waa ɛa ŋɔ bá ba di la mun warane.

Ɛsta 6:2

Ba kuro ka tel bela Mɔdekae aa ɡela kooro dɔ o nyu la, Biɡtana ne Tɛrɛs, koodem bonɔɔna ba fa aa dɛ daah kooro dem doonyoa la vɔrɔwa ba fe aa vɔrɔwa ŋɔ, bá kpo kooro la.

Ɛsta 8:7

Belaa Kooro Sɛksɛs chaŋe o haah ne Juu te Mɔdekae ŋɔ, “Vɔrɔwa Heeman aa vɔrɔwa ŋɔ bá kpoo Juu tena bwa la nomanta, n kpɔ o kondɔɔh bwa tɛ Ɛsta, dɛ ɡel ba ka saɡɔ.

Ɛsta 9:14

Kooro no ɡɛ dɛ ɡel Susa tena no dɛ ɡel ba saɡɛ Heeman bibaala fi la.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Yela 141:10

Gel ba ɡbaɡba lee bela baa hara ta, ásɛ n te valɛ ba kaa sɔnɔnɔɔ ken.

Yela 35:8

Gel ba ne jara, dɛ wenaale ba ba nɛ, dɛ́ ɡel ba ɡbaɡba bel la laɡ ba, ba lee bɔluŋ la bini dɛ́ serewe.

Yela 73:19

Ba chɔɡɔ buɡ la ta, dɛ sewɛ seo wɔb.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Daneɛl 6:7

Ya nomonome bwa yaa dɛ nyiŋi Babelɔn harɛ nɔ ta, nomonome baa dɛ nyiŋi nɛra nɛ, ne nomonome baa chɔ harɛre nyoo, ne laa sitɔɔla dɛ nomonome baa jaa, sɛoh kɛŋɔ hen n naa kooro do mmara, dɛ nyiŋi na kɛŋɔ wɛɛ ɛ tomaa. Gel bɛlbwa jemɛ kɛŋɔ nomɛlbwa ta ŋwɛnɛ dɔe kɛŋɔ, ó ɡuŋi voɡ kɛɛ nɛn tɔpera fifraatoro nɔ baah ta, atane he ɡbo. Nomɛlbwa waa vɛh ɡɛ mmara nɔ la, bá lawɔ ka do nyujentena bɔɔ bini.

1 Samoɛl 17:51

Ate, Devid chwa kaa Goliat be, dɛ ka laa o kere pamɛ le o tɔɔ ta, dɛ teŋe o nyu. Filisti laa tena aa naa kɛŋɔ ba banyoo sewɔ la, ba berɔ, dɛ chwa kaa.