Ɛsta 7:8 - mzwDBL

⁸ Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Ɛsta 7:8 Iomraidhean Croise

Ɛsta 1:5

Anɔ bwa habɔɔ la, Kooro Sɛksɛs berɔ ɛ kondikonjena la ane ja, dɛ yerɛ o koobwɛɛ Susa tena bwa, hale dɛ́ le nomonjena nɛɛ dɛ́ kaa dansaara bwa nɛ. Ba di kwaa la koodem bela, bodɛɛɡe bɛl baa du dadɛɛɡa ane lɔɡre tɔpera anuanɛ.

Ɛsta 1:6

Bela baa di kwaa la, ba paaɡe pilare baa kpɔ bwedɛɛɡa ane soo siwi maa bar, asɛ dɛ kpɔ pateesanpoŋa ne pateesanburumre saɡre a ta bar. Ba berɔ pɛrɛ jisepoŋ ne jisekɔl pɛ, dɛ kpɔ do pateesanre la ta, dɛ lawɛ vɔwɛ suuɡapoŋa noniseɡa baa kpɔa paaɡe pilare la ta kaa. Ba kpɔ suuɡaswɛm ne suuɡapoŋa, dɛ ɛ bobɛl o ir nyundua. Ba kpɔ bwedɛɛɡa a yoɡ aa kpeɡa ampoŋa ne answɛɛma, ne anɔ la aa dɛ nyɛɡle, dɛ anɔ la aa ɛ burum bwa, dɛ kwaa bela harɛ o do wer.

Ɛsta 6:12

Baa tona la, Mɔdekae berɔ ka so koodem doonyoa la ta. Heeman ɡe kpɔ sihiih ne baŋaɡola dɛ le bela kaa o dem warane.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Aesaya 22:17

Na, he ne he nɛnjen ɛɛ bwa, men Korowii dɛ́ ba he ɡɔɔra viɡri bonɔ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Emɔs 3:12

Korowii ŋɔ, “Gɛ peteɡre yon yo lɛ pee le nyujente nyoa, dɛ o nakpale anɛ ɡbo kɛɛ o deŋnekera ɡboo kaa la, ɡɛ tentenee mɛɛ ba Israel tena lɛɛ, banɔ la baa lɔ Samaria ne Damaskɔs dɛ yale ba kanedɛɛɡa ta bwa.

Amanesoma Mak Aa Chwera Tɔn 14:65

Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.