Ɛsta 5:4 - mzwDBL

⁴ Belaa Ɛsta chaŋo ŋɔ, “N naa kooro, dɛ hɛɛ sɛoh waa, he ne Heeman ba fini dɛ́ ba di kondikonjena maa daala tɛɛ la.”

Ɛsta 5:4 Iomraidhean Croise

Mumpar 27:25

Anee Aesek ŋɔ, “N bie, kpɔ kondikwaa la tɛ mɛ, ásɛ n kpɔ ol la bɛl chwe, dɛ́ soŋe andɛɛɡa le Korowii be tɛɛ. Asɛ o kpɔ tɛo o di, dɛ kpɔ senfala ɡe tɛo o nyɔ ja.”

Mumpar 32:20

Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.”

Ɛsta 1:9

Dɛ Kooro Sɛksɛs haah sɔne Vasti. O ɡe ɛ kondikonjena la ane, dɛ yerɛ haahna baa lɔ koodem bela la ba ba di.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 5:3

Kooro bɔɔro ŋɔ, “N haah Ɛsta, a som tenaa? Bɔkwaa hɛɛ nyin ɔ? Wobɛlbwa haa dɛ nyin la, mɛɛ ɛo tɛɛ. Hale harɛ maa dɛ di kora o ta nɔ peraa hɛɛ nyin kwaaraa naa, mɛɛ tɛɛ.”

Ɛsta 5:5

Ate, kooro tomɛ o bonɔɔ Heeman be ŋɔ ó ba warane, ásɛ ba la o haah Ɛsta be. Asɛ ba bwa pɛ la ka di kondikonjena la.

Ɛsta 5:8

Dɛ n waa su he siwi hɛɛ nyin kɛ he cha mɛ naa, kere he ne Heeman ba n be dɛ́ ba di kondikonjena maa dɛ ba daala tɛɛ ja. Gɛ saŋee mɛɛ ba kon maa dɛ nyin baɡla.”

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Sɛɡla 29:11

Gɛnee dɛɛ baɡle o bandia nɛra baah ta, wejeremee dɔ bambile dɛ won o te lawa.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.