Ɛsta 5:1 - mzwDBL

¹ Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Ɛsta 5:1 Iomraidhean Croise

Ɛsta 1:11

O ŋɔ bá lawɛ o haah Vasti ó kpɔ o ɡbɛrɛ waa dɛ baɡle kɛŋɔ o ɛ kooro haah la pi, dɛ́ kpɔɔ ba o sie. Vasti wer kɛrɛdɛ, anomanta, kooro la dɛ nyin kɛ Vasti kpɔ o te ba baɡle nomonjena, ne nɛra baa cheme bela la bwa, ásɛ ba na o wer waa doa.

Ɛsta 2:5

Ate, Susa bwɛjen ta bela, dɛ Juu te bɛl lole baa yerɔ Mɔdekae. Bɛnjamen dea o le. O mɛɛ sɔne Jɛɛ, asɛ Jɛɛ ɡe mɛɛ sɔne Simee, asɛ Simee mɛɛ sɔne Kes.

Ɛsta 4:11

“Nɛra baa dɛ ɛ toma koodem bela, ne nɛra baa lɔ harɛre la ta bwa jemɛ mmara la kɛŋɔ, baa kɛɛ haah aa won la kooro be kooloŋ ta, nemenɛ kooro yerɔ mɔɔ. Dɛ ɡɛ laa aa, kpoe chɛ kɛ bá kpoo, nemenɛ kooro tɛr o suuɡaswɛm daŋɡbala la tɛo dɛ́ lɛ o nyu.” Dɛ berɛ ŋɔ, “Kooro aa yer mɛ n la o be, tɔpera fifraatoroo nɔ.”

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Ɛsta 4:17

Ate, Mɔdekae la dɛ ka ɛ ɡɛ kooro haah Ɛsta aa doo ŋɔ ó ka ɛ la bwa.

Ɛsta 6:4

O berɔ bɔɔ ŋɔ, “N nomonjena la bane lɔ dem bonɔ naa?” Gɛ saŋ dɛ Heeman ɡe deno ba jo koodem baah bela, dɛ́ ba soŋe ŋwɛnɛ kooro be ŋɔ, bá ka saɡɛ Mɔdekae daa waa pao la ta.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Matiu 27:64

Anomanta, do nɛra bá kaa daah lalbɔɔ la mɔɔ tɔpetooro wee la tel. A waa laa aa, o habɔteŋra la ɛɛ ka ŋwɛ lale laanee le bɔɔ la bini, dɛ́ ka teŋe nyosone baɡle nɛra bwa ŋɔ iraa ba Dɔɔ la ir. Dɛ ɡɛ laa aa, neɡra baa dɛ ba ŋwɛnɛ dɔe ka neɡre nɛra nɔ ɛɛ dɔ bɔree che ɡwaa ɡɛ baa tɔ sie neɡre nɛra la bwa.”

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.