Ɛsta 4:4 - mzwDBL

⁴ Kooro haah Ɛsta toli ne baala baa fɔɡɛ ba lure baa nyiŋi o nɛɛ la aa kaa bol Mɔdekae waa o be la, a we o nɛɛ kɛrɛdɛ. O kpɔ laala tɛɛ ba ŋɔ, bá kpɔ ka tɛo ó do, dɛ́ foo lweyal la bil, asɛ o vɛh, o ta laala la lɛɛ.

Ɛsta 4:4 Iomraidhean Croise

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

2 Koranar 9:32

Asɛ Kooro Jehu ha sie dɛ nao tokoro ta dɛ ŋɔ, “Umee ja n nɛɔ?” Asɛ nomonome banɛ kɛɛ batoro baa lɔ koodem bela ba fɔɡɛ ba lure baa daah kooro haahna ba sie ne harɛ dɛɛ nyiŋu.

Ɛsta 1:12

Kooro bonɔɔna aa la o haah Vasti be la, o vɛh bala. Kooro aa noa la, o baah diu kɛrɛdɛ.

Ɛsta 4:3

Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.

Ɛsta 4:5

Kooro haah berɔ yerɛ baa bɛl baa fɔɡɛ o lur baa yerɔ Hatak, kooro aa leo wɛɛ nyiŋi o nɛɛ la, dɛ doo ŋɔ ó ka bɔɔ Mɔdekae waa aa bala wɛɛ wi.

Yela 77:2

Gɛ saŋ wa aa puu mɛ la, n wio no Korowii, n ɡɔɔ nɔɔra jwaana bwa dɛ soŋo, kɛ n ta bolarawa bɛlbwa dɔe.

Aesaya 56:3

Dɛ nɛŋhɔɔh kpɔ o te ja Korowii nɛra nɛɛ aa, o bɛ ŋɔ, “Korowii aa men lɛ ja o nɛra baa dɛ tomɔ nɛ.” Nomɛlbwa baa fɔɡɛ o lur ɡe bɛ ŋɔ, “N te heo.”

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

We-ɛɛla 8:27

Felep iro chiɡ ŋwɛnɛ ta dɛɛ kaa, dɛ ka na Itiopia harɛ haŋkooro Kandase nomoa waa dɛ cheɡ o suuɡa dɛɛ nyiŋi o kondɔɔh bwa la. Dɛ ba fɔɡɛ a ɡɛ baa nɔ lur. O la Jerusalam ka tomɛ Korowii dɛ berɛ dɛɛ kaa o bwɛ.

1 Samoɛl 8:15

Wɛɛ bɔne he mea ne he daa kooni bini bɔre fii, dɛ́ kpɔ bɔrbeŋkpoŋ tɛ o nomonome ne bonɔɔna.