Ɛsta 4:3 - mzwDBL

³ Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.

Ɛsta 4:3 Iomraidhean Croise

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Ɛsta 3:12

Korobiloɡle tɔpera fi dɛ atoro ta la, Heeman yerɛ kooro nomonome bwa cheme. O ɡelɔ ba chwerɛ ɡɛ waa bol Juu tena waa la wobol bwa soo siwi aa lɔ harɛre la bɛlbwa ta, ne ɡɛ ba chwera aa doa, dɛ kpɔ ka tɛ koranar ne nomonome baa chɔ harɛ bɛlbwa nyoa, ne ba nomonjena bwa. Kooro sɔn taa ba chwera, dɛ kpɔ o noniseɡ ɛɡɛ a ta, asɛ a ɛ mmara, dɛ chɔ le saŋ bɛlbwa.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Ɛsta 4:2

Koodem doonyoa ɡboo o jaɡɛ, dɛkalkɛŋɔ nomɛlbwa waa tɔ lweyal la ta ŋwɛnɛ dɔe kɛ ó jo bela.

Ɛsta 4:4

Kooro haah Ɛsta toli ne baala baa fɔɡɛ ba lure baa nyiŋi o nɛɛ la aa kaa bol Mɔdekae waa o be la, a we o nɛɛ kɛrɛdɛ. O kpɔ laala tɛɛ ba ŋɔ, bá kpɔ ka tɛo ó do, dɛ́ foo lweyal la bil, asɛ o vɛh, o ta laala la lɛɛ.

Ɛsta 9:31

dɛ́ berɛ ɡel a ɡɛ Purim tɔpera nɔ che kiŋkiŋ baa dia saŋ la Juu te Mɔdekae ne kooro haah Ɛsta aa doa tɛ ba ne ba naanar kɛŋɔ, ba fa aa cheɡ nyoa vɔwa ne suna dii tɔpera la.

Job Tɔn 2:8

Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Aesaya 58:5

Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Ɛsekeɛl 27:30

Baa dooɡe lɔŋɔree dɛ́ wi kohona tɛɛ, dɛ́ kpɔ teera do ba nyuune ta dɛɛ ɡbili tɔɔ ta.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Jona 3:6

Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta.

Matiu 13:42

dɛ́ kpɔ ba ka ta ninlao ta, belaa wii ne weweele do.

Matiu 22:13

Anee kooro la den ŋɔ o bonɔɔna la be ŋɔ, ‘Hé vɔrɔwe baa nɔ nɔɔra ne o nakpale, dɛ́ kpɔɔ ka ta dahara biro ta. Belaa wii ne weweele do.’ ”

Matiu 25:30

Bonɔnsala nɔ te, hé kpɔɔ le dahara ka ta biro ta, belaa wii ne weweele do.’ ”

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

1 Samoɛl 11:4

Toroma la aa tel Gebea bela Sɔɔl aa soɡa dɛ bol ɡɛ waa nɔ ba be la, ba wio kɛrɛdɛ.