Ɛsta 4:16 - mzwDBL

¹⁶ “Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Ɛsta 4:16 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

2 Samoɛl 10:12

Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

2 Koranar 7:4

Dɛ ya jo bwɛɛ nɔ ta naa, lɔr la lɔ bela, yaa serewoo. Ya soɡe bonɔ ɡe aa, yaa serewoo, he den ɡel yá kaa bela Siiria laa tena aa soɡa, dɛ́ kpɔ ya te ka do ba nɔn ta. Dɛ ba ɡel yaa aa, dɛ ya dɔ ya nyu, ba kpoo yaa ɡe aa, ya den serewe.”

2 Webena 20:3

Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

Ɛsra 8:21

Ahava bela baa kwi bɔɔ nee ɛɛ palɛ o bini belaa n do ba ŋɔ ya vɔwɛ nyoa, ɡɛ aa ɛ yá won pwɛr ya te do Korowii yaa dɛ tomɔ lɔɡa. Ya soŋo o ja ya nɛɛ ya kpɔ ya bii dɛ kwaa yaa dɔa bwa kaa Jerusalam sɔnɔnɔɔ.

Ɛsta 4:15

Ɛsta berɔ ŋɔ bá ka ŋɔ Mɔdekae be ŋɔ,

Ɛsta 4:17

Ate, Mɔdekae la dɛ ka ɛ ɡɛ kooro haah Ɛsta aa doo ŋɔ ó ka ɛ la bwa.

Ɛsta 4:3

Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Ɛsta 9:31

dɛ́ berɛ ɡel a ɡɛ Purim tɔpera nɔ che kiŋkiŋ baa dia saŋ la Juu te Mɔdekae ne kooro haah Ɛsta aa doa tɛ ba ne ba naanar kɛŋɔ, ba fa aa cheɡ nyoa vɔwa ne suna dii tɔpera la.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Jeremia 36:9

Juda Kooro Josia bibaa Jehoiakim aa di kora Juda harɛ bene anue, korobie anuanaarɛ ta la, nɛra baa lɔ Jerusalam ne Juda bwɛɛre ta nɛra bwa vɔwɛ nyoa ba waa dɔ nyɛl Korowii be.

Daneɛl 2:18

Daneɛl ŋɔ bá soŋe Korowii Waa Dɛ Di Kora Nyundua ó na ba sum waa aa do ɔma nɔ ta, ásɛ ba bɛ o ne o daamanar la bwa pɛ kpoo ja Babelɔn harɛ ta wejerema baa kaa la nɛ.

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Amanesoma Luk Aa Chwera Tɔn 9:24

dɛkalkɛ nomɛlbwa o sie aa swɛɛ harɛ nɔ ta kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Amanesoma Jɔn Aa Chwera Tɔn 19:22

Anee Paelet chaŋe ŋɔ, “N te dɔɔ chwerɛ tonɛ.”

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

We-ɛɛla 27:33

Tomun aa ba dɛ kpɔ la, Pɔɔl soŋ ba ŋɔ bá bwa di kwa, dɛ ŋɔ, “He tɔpera fi dɛ anaarɛɛ nɔ he tea bini aa chɔɡa he so dɛɛ kpa waa aa dɛ ba chiɡa, haa wola kwaa dii.

We-ɛɛla 9:9

A di tɔpera atoro, dɛ waa na. Dɛ waa kwaa di, waa nee ɡe nyɔ.

Tɔn Pɔɔl Aa Chwerɛ Rom Tena 16:4

Ba fa koh n waa dɛ kpɔ ba nyuune charɛ seo. N ne asɔre tena baa wola Juu tena ɛɛ la bwaa dɛɛ jam ba.

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

1 Samoɛl 19:5

O sɛh seo dɛ ka pu Goliat yo dɛ kpoo. Korowiirii ɡela o yo tɛ he ne Israel tena bwa, asɛ he bwa sie lɛ. Ɛrɛɛ hɛɛ ba wona kpo nɛndɛɛɡe waa do ken pɛɛpɛɛ ɔ?”