Ɛsta 3:2 - mzwDBL

² Koojen do nɛra baa lɔ koodem bela dɛɛ ɛ toma la bwa ŋɔ, báa ɡuŋi Heeman harɛ, dɛ́ɛ duuru saŋ bɛlbwa. Ba bwa dɛ ɛ ɡɛ, kɛ dɛ Mɔdekae te aa on ɡɛ ɛ.

Ɛsta 3:2 Iomraidhean Croise

Mumpar 41:43

O ɡelɔ o so o koo kon waa do kɛ torɔɡo bini, asɛ nɛra tɔ o sie dɛɛ ŋɔ, “Hé tɛ ŋwɛnɛ! Hé tɛ ŋwɛnɛ!” Gɛɛ a do ba kpɔ Josef cheɡ ŋɔ wɛɛ nyiŋi Ijipt harɛ la bwa ta.

Ɛsta 2:19

Ba berɔ ba toli la ne koodem bela nɛɛtena, dɛ Mɔdekae dɔ nomonome dɛ so koodem doonyoa bela.

Ɛsta 2:21

Gɛ saŋ Mɔdekae aa lɔ toma ta koodem doonyoa la, dɛ bonɔɔna baa dɛ daah kooro dea doonyoa la bini banɛ baa dɛ yer ba Biɡtana ne Tɛrɛs la baah diu baa vɔrɔwe kɛ baa kpo kooroo.

Ɛsta 2:5

Ate, Susa bwɛjen ta bela, dɛ Juu te bɛl lole baa yerɔ Mɔdekae. Bɛnjamen dea o le. O mɛɛ sɔne Jɛɛ, asɛ Jɛɛ ɡe mɛɛ sɔne Simee, asɛ Simee mɛɛ sɔne Kes.

Ɛsta 3:1

Aa baa tel saŋ bɛl la, Koojen Sɛksɛs kpɔ nomonome tɛ Hamedata bibaa Heeman o nabaa aa ɛ Aɡaɡ, o ɛ nomonjen ɡwaa harɛ la nomonome bwa.

Ɛsta 3:3

Belaa Mɔdekae nomondɔŋa baa lɔ koodem la bɔɔro ŋɔ, “Ɛrɛɛ kooro do yaa ŋɔ yáa duu Heeman, he te aa wola a ta teŋɛ nɔɔ?”

Ɛsta 3:5

Heeman ɡbabir aa naa kɛŋɔ Mɔdekae aa on harɛ ɡuŋi dɛɛ duuru la, o baah diu kɛrɛdɛ.

Ɛsta 5:9

Heeman iro le bela, o sie lɛ kohona. Kɛ waa na Mɔdekae o so koodem doonyoa bela, waa wola ire che dɛ kpɔ duure tɛo o ba kaa la, o baah berɔ di kohona.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Kaala 17:14

Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Kaala 17:16

Dɛ berɛ ŋɔ, “Korowii nɛɛ n kpɔ sie dawɛ o yo dɛɛ tɛ mɛ. Korowii ɛɛ teŋɔɔ yo Amalɛk tena saŋ bɛlbwa dɛɛ la!”

Daneɛl 2:49

A bwa habɔɔ la, Daneɛl soŋe kooro la, asɛ o kpɔ Babelɔn harɛ ta bwa waa do Sadrak ne Mesak dɛ Abɛdnɛɡo nɔn ta. Asɛ Daneɛl te ta do koodem bela dɛ ɛ nomoa.

Mmarare 25:19

Dɛ Korowii baa kpɔ harɛ la tɛ heyaa dɛ kpɔ nɔn tɔ he nɛɛ he dɔma baa bar heyaa cheme nɔ be pera aa, hé nyiŋi kɛrɛdɛ dɛ́ kpoo Amalɛk tena la bwa, dɛ́ he ba ásɛ ba waa tonɛ. He bɛ ɡɛ waa nɔ soh!”

Felepae 2:10

Yeesu Kristo sɔnjen la nomanta, nomɛlbwa ɛɛ ɡuŋi o siee dɛ́ kpɔ duure dɛɛ tɛo. Banɔ la baa lɔ nyundua, ne banɔ la baa lɔ harɛ ta, ne banɔ la baa serewa bwa, ɛɛ kpɔ duuree dɛɛ tɛo,

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”