Ɛsta 2:12 - mzwDBL

¹² Mɔɔ toli la bɛlbwa dɔ bɔr la kooro be o ne ó chɔ la, korobie fi dɛ anɛɛ o kpɔ dɛɛ kwaa o te. Korobie anumɛlee o kpɔ dɛɛ fɔɡle nosɔɔhsoma baa dɛ yera korobo la, dɛ́ berɛ fɔɡle konsɔɔhsoma aa dɛ kwaa bwara ɡe korobie anumɛl.

Ɛsta 2:12 Iomraidhean Croise

Ɛsta 2:11

Tɔpere bɛlbwaa Mɔdekae yon le o dem dɛ́ la haahna dobɔr la sie bela, dɛ́ ka valɛ la sie dɛɛ ba habɔɔ kɛŋɔ o ken ɛɛ na Ɛsta dembaah belaa ɡɛ waa doa.

Ɛsta 2:13

Awola tɔpere toli la bɛlbwa aa le haahna dobɔr bela dɛɛ la kooro be la, komɛlbwa waa dɛ nyin la, ba kpɔɔ dɛɛ tɛo.

Ɛsta 2:3

Hɛɛ won ɡel nɛra baa dɛ nyiŋi harɛre haa dɛ di kora a ta la bwa, kpɔ toli baa wera ba koodem haahna dobɔr koobwɛɛ Susa nɔ ta, ásɛ dɛ kpɔ ba do Heɡai baa fɔɡɔ o lur, o do koodem haahna dobɔr dɛɛ nyiŋi kooro haahna nɛɛ la nɔn ta, wɛ́ɛ di ba toli.

Ɛsta 2:9

Heɡai sie lɛ Ɛsta nɛɛ kɛrɛdɛ o waa su o siwi, anomanta, o do sie nyiŋu ɡɛ aa chɛa. Buɡ la ta, o tɛo kwaa waa kpɔ dɛɛ di toli, ne kondikondɛɛɡa wɛ́ɛ di, dɛ berɛ tɛo haahna banuanɛ dɛ le koodem bela báa tomɔ, dɛ kpɔ ba ka do haahna dobɔr bela waa wera kɛrɛdɛ.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Aesaya 3:24

Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.