Ɛsta 10:3 - mzwDBL

³ Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.

Ɛsta 10:3 Iomraidhean Croise

Mumpar 41:40

Mɛɛ kpɔe he chɔ n harɛ nɔ bwa nyoa, ásɛ nomɛlbwa ɛɛ teŋɛ he waa ta. Kora nɔ ɡbo taa n ɡwaale.”

Mumpar 45:10

Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Mumpar 45:11

O baa so Gosen aa, anee mɛɛ ba wona nyiŋu. Lɔr nɔ ta ka bene anue, anomanta, maa nyin kɛŋɔ lɔr kpo o ne o bii ne kondɛɛra.”

2 Webena 28:7

Sikri waa ɛ banyoo dɛ le Efrem dea kpo Kooro Ahas bibaa baa dɛ yerɔ Maaseya, ne koodem nomoa Asrikam dɛ Ɛlkana. Dɛ kooro toole naa Ɛlkanaa lole.

Nehemia 2:10

Asɛ Sanbalat waa le Bɛt Hɔrɔn, ne Tobia waa ɛ Amɔn nomonome la bini bɛl noɔ kɛŋɔ nomɛl koh Israel tena kɛrɛdɛ doe wa dɛ ba, asɛ a we ba nɛ.

Ɛsta 2:5

Ate, Susa bwɛjen ta bela, dɛ Juu te bɛl lole baa yerɔ Mɔdekae. Bɛnjamen dea o le. O mɛɛ sɔne Jɛɛ, asɛ Jɛɛ ɡe mɛɛ sɔne Simee, asɛ Simee mɛɛ sɔne Kes.

Ɛsta 3:2

Koojen do nɛra baa lɔ koodem bela dɛɛ ɛ toma la bwa ŋɔ, báa ɡuŋi Heeman harɛ, dɛ́ɛ duuru saŋ bɛlbwa. Ba bwa dɛ ɛ ɡɛ, kɛ dɛ Mɔdekae te aa on ɡɛ ɛ.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 5:29

Ate, buɡ la ta, Kooro Bɛlsasa ɡel ba ka kpɔ yakɔl ba tɔ Daneɛl, dɛ kpɔ suuɡaswɛm jɔɡrɔre do o baŋa, asɛ dɛ ɛo nɛntoorote waa dɔ kpeɡri o kora ta harɛ la ta.

Daneɛl 6:3

Daneɛl baɡlɔ kɛ o won toma ɛɛ dɛɛ ɡwaa o bala la, ne nɛra baa lee ba baa nyiŋi harɛ la bamperi ta la, asɛ o toma su kooro la siwi. A ɡɛ nomanta, kooro la liiro kɛŋɔ ó den kpɔ harɛ la waa bwa do o nɔn ta wɛɛ nyiŋi o ta.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

Tɔn Pɔɔl Aa Chwerɛ Rom Tena 14:18

Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

1 Samoɛl 18:16

Kɛ dɛ Israel ne Juda tena bwa dɛ nyin Devid wa, waa tɔ ba sie dɛ kpɔ ba dɛɛ la laa a maɡre dɛɛ tɛɛ ba la wa.

1 Samoɛl 23:17

O ŋɔ o be ŋɔ, “Dɛɛ berɛ ɔma, n mɛɛ aa hen wobɛlbwa ɛɛ ba. Henee dɛɛ ba Israel kora dii, ásɛ he toole naa, menee dɛ́ teŋɛ. Hale n mɛɛ Kooro Sɔɔl ɡbabir jemɔ.”