Ɛsta 1:6 - mzwDBL

⁶ Bela baa di kwaa la, ba paaɡe pilare baa kpɔ bwedɛɛɡa ane soo siwi maa bar, asɛ dɛ kpɔ pateesanpoŋa ne pateesanburumre saɡre a ta bar. Ba berɔ pɛrɛ jisepoŋ ne jisekɔl pɛ, dɛ kpɔ do pateesanre la ta, dɛ lawɛ vɔwɛ suuɡapoŋa noniseɡa baa kpɔa paaɡe pilare la ta kaa. Ba kpɔ suuɡaswɛm ne suuɡapoŋa, dɛ ɛ bobɛl o ir nyundua. Ba kpɔ bwedɛɛɡa a yoɡ aa kpeɡa ampoŋa ne answɛɛma, ne anɔ la aa dɛ nyɛɡle, dɛ anɔ la aa ɛ burum bwa, dɛ kwaa bela harɛ o do wer.

Ɛsta 1:6 Iomraidhean Croise

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Ɛsekeɛl 23:41

Ba yon so kane aa wera ta, asɛ teebur che ba sie, ba kpɔ daawiile a sɔɔh aa soma, ne ɔleve noo aa ɛ n kwaa la chɔŋɛ o ta.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Emɔs 3:12

Korowii ŋɔ, “Gɛ peteɡre yon yo lɛ pee le nyujente nyoa, dɛ o nakpale anɛ ɡbo kɛɛ o deŋnekera ɡboo kaa la, ɡɛ tentenee mɛɛ ba Israel tena lɛɛ, banɔ la baa lɔ Samaria ne Damaskɔs dɛ yale ba kanedɛɛɡa ta bwa.

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

1 Samoɛl 28:23

O vɛoh dɛ ŋɔ, “Máa di.” Kɛ o nomonome banɛ la ja haah la nɛ ba soŋo o no ba waa la. Ate, o ir harɛ dɛ so karajaŋ ta.