Ɛsta 1:3 - mzwDBL

³ Waa di kora bentooro te ta la, o yerɛ o nomonjena ne o nomonome bwa ba cheme, asɛ ba di kondikonjena dɛ lɛ ba sie. Pɛɛsea harɛ ne Midia harɛ laa nomonome, ne nomonome baa chɔ o harɛre bwa nyoo ne nomonjena balɔ.

Ɛsta 1:3 Iomraidhean Croise

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

1 Koranar 3:15

Ate, Kooro Solomɔn har dom ta dɛ na kɛŋɔ deeraa o dee. Asɛ o ba Jerusalam dɛ la ka che Korowii Ne Nɛwɛnyina Fɔo Daka la sie, dɛ fuh kwaa ɛ saraha ne deŋnesɔɔhna saraha tɛ Korowii. A habɔɔ, o ɛ kondikonjena, dɛ ta nɔn yerɛ o nomonome bwa.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Ɛsta 1:14

dɛ dɔ dibɔra kooloŋ ta bela. Banee, Kaasena ne Sɛta ne Admata, ne Taases ne Meres ne Maasena, dɛ Mɛmokan. Gɛ nomonjena banuanɛ nɔ le Pɛɛsea ne Midia harɛre ta, dɛ ɛ nomonjena ɡwaa nomonome baa lɔ o kora bini bwa.

Ɛsta 1:4

O kpɔ kondɔɔh aa lɔ kara la mun bwa le asɛ nɛra ba naa, dɛ na ɡɛ o kondɔɔh ne o kora kan aa doa. O ɛ ɡɛ korobie anumɛl bwa.

Ɛsta 2:18

Kooro ɡelɔ ba ɛ kondikonjena a warɛ kohona tɛ Ɛsta waa ɛo o haah la. O yerɛ o nomonjena ne nɛra baa dɛ tomɔ la bwa, ba ba di kwaa dɛ lɛ ba sie. Dɛ ɛ awola tɔpere la ona tɔpere, dɛ kɛ nɛra kwaa kohona aa baɡle kan waa doa.

Ɛsta 3:7

Kooro Sɛksɛs kora dii bene fi dɛ anɛ Nisan korobie ta la, Heeman ɡelɔ ba bil daa o sie, dɛ́ lawɛ korobie ne tɔpere waa wera tɛo, ó kpɔ ɛ waa waa vɔrɔwa la. Korobie baa lawɔ laanee Nisan korobie.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Daneɛl 5:1

Awola jwaana bɛl, Kooro Bɛlsasa ɡelɔ ba ɛ kondikonjena, o ta nɔn yerɛ o nomonjena nɛra kaɡboŋ, asɛ o ne baa di kwaa la dɛɛ nyɔ sen.

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Daneɛl 6:1

Kooro Dareɔs aa baa di kora la, o liiro ŋɔ ó le nomonome lafa fifraanɛ bá chɔ harɛ bamperi nyoo, dɛɛ nyiŋi a ta, o harɛ la bwa ta,

Daneɛl 8:20

Pebal haa nao o dɔ nyeɡlare anɛ la cheɡɔ tɛ Midia ne Pɛɛsea koranar.

Amanesoma Mak Aa Chwera Tɔn 6:21

Tɔpere aa tela kɛ kooro la di o lola tɔpere la, o ɛ kondikwaa dɛ yawɛ sene dɛ hɛlɛ, dɛ lɛ o koranar baa sawɔ ne Galilia nomonome bwa sie.