Ɛsta 1:11 - mzwDBL

¹¹ O ŋɔ bá lawɛ o haah Vasti ó kpɔ o ɡbɛrɛ waa dɛ baɡle kɛŋɔ o ɛ kooro haah la pi, dɛ́ kpɔɔ ba o sie. Vasti wer kɛrɛdɛ, anomanta, kooro la dɛ nyin kɛ Vasti kpɔ o te ba baɡle nomonjena, ne nɛra baa cheme bela la bwa, ásɛ ba na o wer waa doa.

Ɛsta 1:11 Iomraidhean Croise

2 Samoɛl 14:25

Dɛ Israel harɛ ta bwa nomɛlbwa toole dɛ dɔ sɔn o wedɛɛɡa ɛɛ wa kɛŋɔ Absalɔm. O ta kirihiah bɛlbwa dii, le nyundua ba ta harɛ.

Ɛsta 1:12

Kooro bonɔɔna aa la o haah Vasti be la, o vɛh bala. Kooro aa noa la, o baah diu kɛrɛdɛ.

Ɛsta 2:17

Ɛsta aa la o be la, kooro sie lɛ o nɛɛ kohona, o waa su o siwi dɛ ɡwaa o haahna ne toli la bwa. Asɛ o kpɔ ɡbɛrɛ waa baɡla kɛŋɔ ó ɛ o haah la piu. O kpɔɔ ɛ o haah chiɡ Vasti naa ta.

Ɛsta 6:8

Ŋɔ he bonɔɔna la be bá kpɔ he ɡbaɡba laala haa dɛ doa la ane ba, dɛ́ berɛ kpɔ jaɡre haa dɛ so a ta la bɛl ɡe ba. Gel bá kpɔ kondɛɛɡe haa kpɔa dɛɛ dawɛ he jaaɡɔ nyu ta, aa baɡle kɛŋɔ he jaaɡɔɔ la ba dawɛ ɡɛ jaaɡɔ la nyu ta.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Sɛɡla 31:30

Tolwaa te dɛ neɡre nɛn, wer ɡe ɛɛ tu, kɛ haah waa dɛ ɔmɛ Korowii la chɛ kpɛɛra.

1 Samoɛl 25:3

O sɔne Nabal asɛ o haah ɡe sɔne Abiɡel. Dɛ o haah la ɛ wejereme, dɛ do wer tolo. Kɛ o jaa waa le Kaleb lolanar bini la te, dɛ o nyu bini kpeɡri, o baah ɡe ɛɛ di warawara.