Ɛsta 1:10 - mzwDBL

¹⁰ Tɔpenuanɛ wee kooro aa nyɔ sen dɛ dɛɛ la, o yerɛ o bonɔɔna baa fɔɡɛ ba lure baa tomɔ la cheme. Banee, Mehuman ne Bista ne Haabona, ne Biɡta ne Abaɡta ne Sɛta, dɛ Kaakas.

Ɛsta 1:10 Iomraidhean Croise

Mumpar 43:34

Ba kpɔ Josef kondikwaa la ane ba bɔne ba. Ba tɛ Bɛnjamen bɔre anue, dɛ ɡwaa ɡɛ baa tɛ ba kar la. Ba di kondikwaa la dɛ vaɡre, dɛ nyɔ sen lɛ ba sie.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

Ɛsta 1:9

Dɛ Kooro Sɛksɛs haah sɔne Vasti. O ɡe ɛ kondikonjena la ane, dɛ yerɛ haahna baa lɔ koodem bela la ba ba di.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 7:9

Kooro bonɔɔna la bini bɛl baa dɛ yerɔ Haabona waa lɔ o jwɛɛh ŋɔ o be ŋɔ, “N naa kooro, Heeman pa da o jaŋne aa ɛ naɡale fifraanuanɛ dɛ anue dɛ kaa nyundua o dem. O ɛo kɛŋɔ bá fee saɡɛ Mɔdekae waa lɛ he nyu ta la o ta.” Belaa kooro la do ba ŋɔ, “Hé ka saɡɛ Heeman o ta.”

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Sɛɡla 31:4

Lɛmoɛl, a ta chɛ kɛŋɔ koranar nyɔ seŋkpeɡa, a ta chɛ kɛŋɔ ba pɛla do a ta.

Wejereme 10:19

Kondikonjena dii dɛ ba silɛɛ ne, asɛ sen nyɔe ɡee ba hɛɡra ne, kɛ he ta suuɡa dɔe yaa, haa won ɛ a bini bɛlbwa.

Sitɔɔla 16:25

Ba sie lɛo kohona, ba moo ŋɔ, “Hé ba Samsen ne ó ba lɛ ya sie.” Anomanta, ba kaa lawɔ le dea baa doo la bini, ó ba ɛ ɡɛ baa dɛ nyin bwa tɛɛ ba. Ba kpɔɔ ka che pilare ane baah ta,

Sitɔɔla 19:6

Anomanta, baala banɛ la soɡo dɛ pɛ di kwaa la. A habɔɔ la, haah la mɛɛ berɔ ŋɔ baa la be ŋɔ, “N dɛ soŋe, lɛ he sie dɛ chɔ.”

Rut Tɔn 3:7

Boas aa di kondikwaa la dɛ nyɔ sen o sie lɛ la, o kaa chɔ mea baa boa a nyoa bil la jwɛh. Asɛ Rut ɛ bɔeeh dɛ ka laa yal kpɔ o nakpale ta dɛ chɔ bela.