Ɛfesos 6:9 - mzwDBL

⁹ Dɔɔranar, hɛ́ɛ ɛ he bonɔɔna ne toli ɡe kɛrɛdɛ, dɛ́ ɡel ba fiiɡa. He jemɔ kɛŋɔ he ne ba bwa Dɔɔ lɔ beŋkpoŋ nyundua. Waa bane nyine dɛɛ ɡwaa bane.

Ɛfesos 6:9 Iomraidhean Croise

Nehemia 5:5

Ya ne ya bala Juu tena bwa beŋkpoŋ. Gɛɛ ya bii ne ba ɡe bii ɛ kɛrɛdɛ, kɛ ya kpɔ ya bibaala ne bihaahna do ba lɔɡa kɛŋɔ yoma ken, ya bihaahna bane tɔ sie ɛ yoma. Taraken ya ta kpeɡri bɛlbwa dɔe kpa, dɛkalkɛ ya kooni ne daa kooni berɛ nɛra bane kwa.”

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Yela 140:12

N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 3:6

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 22:10

Asɛ bonɔɔna la le kaa fɔɡbaahna, dɛ ka yerɛ nɛra baa na ba la bwa. Nɛndɛɛɡa ne nɛnchɔɡa bwaa ba yerɛ, asɛ nɛra su bela baa lawɛ hanfale la maa ken.

Matiu 22:8

Anee o kwaa yerɛ o bonɔɔna bane ɡe ja, dɛ ŋɔ ba be ŋɔ, ‘Ba tonɛ n hanfale kondikwaa la, kɛ nɛra la maa yer ba ŋɔ bá ba di la, a ta ban chɛɛ.

Matiu 24:48

Kɛ dɛ o ɛ bonɔnchɔɡe, asɛ dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’

Matiu 24:51

dɛ́ tɛr o deŋne taeh, dɛ́ doŋu ka pu nɛra baa dɛ nyiŋi nɛra siebɔr mɔɔ dɛɛ ɛ waa la. Belaa wɛɛ ba doe dɛɛ wi dɛɛ na weweele.”

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Amanesoma Luk Aa Chwera Tɔn 6:31

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba.

Amanesoma Jɔn Aa Chwera Tɔn 13:13

He dɛ yer mɛ he dɔɔ kɛɛ he nomoa aa, aŋwɛnɛ taa, dɛkalkɛ ɡɛɛ a do.

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

Tɔn Pɔɔl Aa Chwerɛ Rom Tena 2:11

Korowii aa nomɛl waa nyin ɡwaa bɛl.

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

1 Kɔrent 7:22

Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom.

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Kolosi 3:25

Nomɛlbwa waa dɛ ɛ wechɔɡa la, wɛɛ dɔ o wechɔɡa kembɔree. Korowii aa bane siwii nyiŋi ɡwaa bane.

Kolosi 4:1

He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Jems 2:8

Dɛ he dɛ teŋɛ Korowii Kora Mmara baa chwera ŋɔ, “Nyin he dɔŋ kɛ he te ɡbaɡba la” ta naa, dɛ he dɛ ɛ kɛrɛdɛ.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

1 Samoɛl 15:17

Samoɛl ŋɔ, “A lole kɛ he dɛ lii he te nɛnjeɡa, he laa bera ba ɛ Israel deene bwa nyu te nɔ naa? Korowii fuɡe noo do he nyu ta, dɛ cheɡe kora ta Israel.