Ɛfesos 6:8 - mzwDBL

⁸ Onee dɛɛ ba nomɛlbwa kem bɔe o tondɛɛɡa bwa waa ɛa ta. Dɛ bonɔɔ kɛɛ toloo ba doe noo, dɛ he nyuu hɛɛ di oo, he bwa dɛ ba tondɛɛɡa haa ɛa kembɔr dɔe Yeesu Kristo be.

Ɛfesos 6:8 Iomraidhean Croise

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Sɛɡla 23:18

Wedɛɛɡa ane chɔ le kerekere dɛ tɛɛ, he hwɛɡa aa pɛɛ ta bwa.

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Matiu 6:1

Yeesu berɔ ŋɔ, “Hé nyiŋi kɛrɛdɛ dɛɛ berɛ he wedɛɛɡa ɛɛ nɛwɛnyini sie ta, ásɛ baa kpɛɛ heya. Dɛ he dɛ ɛ he wedɛɛɡa nɛwɛnyini sie ta naa, hɛɛ paŋɛ he kembɔree he Mɛɛ waa lɔ nyundua la sie.

Matiu 6:4

Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Amanesoma Luk Aa Chwera Tɔn 14:14

ásɛ Korowii ɛɛ andɛɛɡa, dɛkalkɛ ba ta komɛlbwa dɔe dɛ kpɔ bɔe kem. Awola nɛndɛɛɡa ba wa aa dɛ su Korowii siwi aa ir seo ta la, Korowii ɛɛ bɔe a kemee.”

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

Kolosi 3:24

He Dɔɔ Yeesu Kristoo he ɛ dɛɛ tɛ. He jemɛ kɛŋɔ o bee hɛɛ ba kembɔr waa kpɔa cheɡ o nɛra la dɔe.

Kolosi 3:25

Nomɛlbwa waa dɛ ɛ wechɔɡa la, wɛɛ dɔ o wechɔɡa kembɔree. Korowii aa bane siwii nyiŋi ɡwaa bane.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Hibru 11:26

O nyiŋi sihiih waa koh Kristo waa dɛ di la kɛŋɔ a wer o be dɛ ɡwaa kondɔɔhkwaa a fa aa lɔ Ijipt harɛ la, dɛkalkɛŋɔ dɛ o dɛ nyiŋi tɔpere la Korowii aa ba bɔ nɛra bwa kem la ŋwɛnɛ.