Ɛfesos 6:5 - mzwDBL

⁵ He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

Ɛfesos 6:5 Iomraidhean Croise

Mumpar 16:9

Asɛ Korowii nyundua torome la ŋɔ o be ŋɔ, “Berɛ kaa o be dɛ́ kaa tomɔ.”

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Yela 123:2

Gɛ bonɔɔ yon dɛɛ nyiŋi o dɔɔ siwi ta, kɛɛ tolo yon dɛɛ nyiŋi o nomoa siwi ta la, ɡɛɛ yaa nyiŋi hen Korowii yaa dɛ tomɛ siwi ta, ka tel kɛŋɔ haa sune ya nɛ.

Yela 86:11

N Naa Korowii, chaɡ mɛ he ŋwɛnɛ, ásɛ n tomɛ kasinteŋ ne. Gel n kpɔ bambibeŋkpoŋ tomɛ, dɛɛ ɔmɛ he sɔn.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 6:22

Sibie do kɛ kandea dɛ tɛ nɛwɛnyini. Anomanta, dɛ he sibie wer aa, he dɛ na bɔr.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Matiu 8:9

dɛkalkɛ he dɔ wobɛlbwa kpeɡri. N ɛ nɛn maa lɔ nomonome bane lɔɡa, dɛ dɔ soojare do n ɡe lɔɡa. Mɛɛ wonoo ŋɔ bɛl be ŋɔ, ‘Kaa,’ ó kaa, dɛ́ berɛ ŋɔ onfale be ŋɔ, ‘Ba,’ ó ɡe ba. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

1 Kɔrent 2:3

N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.

1 Kɔrent 7:22

Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 7:15

O lii ɡɛ he bwa fa aa dɛ no o waa ne ɡɛ he fa aa dɛ tɛo duure dɛɛ ɛ yalayala la aa, dɛ o nyina waa dɛ nyin heyaa la, dɛ jae a na dɛɛ ja.

Ɛfesos 5:22

Haahna, hɛ́ɛ no he jaranar waa kɛŋɔ he Dɔɔ Yeesu Kristo waa hɛɛ no la,

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

Faelemɔn 1:16

O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

1 Pita 3:2

dɛkalkɛ baa na ɡɛ he we-ɛɛla aa wera doŋa bɛlbwa aa wola toole a ta, ne ɡɛ haa dɛ ɔmɛ Korowii.