Ɛfesos 6:3 - mzwDBL

³ Kenii o ŋɔ, “Dɛ he dɛ ɛ ɡɛ naa, Korowii ɛɛ nyiŋi heyaa kɛrɛdɛ, dɛ́ tɛ heyaa mkpajaŋ harɛ nɔ ta.”

Ɛfesos 6:3 Iomraidhean Croise

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Jeremia 35:7

O berɔ ŋɔ a ta chɛ kɛ yá do deene, kɛɛ dɛ́ parɛ kɛɛ dɛ́ yawɛ daa kooni. O do yaa ŋɔ yáa so tɛnte deene ɡbo bini, ásɛ dɛ won so harɛ yaa soɡe o ta kɛŋɔ nɛŋhɔɔhra nɔ ta.

Jeremia 42:6

Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”

Ɛfesos 6:2

Ba chwerɔ ŋɔ, “Duu he nya ne he mɛɛ,” dɛ berɛ chwerɛ nyobaɡa bɛl waa ja o ta, o ɛ Korowii Mmara waa tɔ sie baɡɛ nyoa ja o ta.

Ɛfesos 6:4

Mɛɛnanar, he bɛ he bii sibeɡra dɛ́ɛ do, ásɛ ba baah ɛɛ di. Hé kpoŋ ba kɛrɛdɛ dɛ́ɛ baɡ ba ŋwɛnɛre ne waa la bwa aa wera ya Dɔɔ be.

Mmarare 12:25

He bɛ an di, ásɛ a chiɡ he ne he bii ba taa dɛ ba bala la kɛrɛdɛ. He dɛ ɛ ɡɛ naa, dɛ he dɛ ɛ waa aa wera Korowii be.

Mmarare 12:28

Hé nyiŋi kɛrɛdɛ dɛɛ teŋɛ waa maa ŋɔ he be bwa ta, ásɛ a chiɡ he ne he bii ba taa dɛ ba bala bwa kɛrɛdɛ, ɡɛ haa dɛ ɛ waa aa wera dɛ toɡre Korowii haa dɛ tomɔ nɔ be.

Mmarare 22:7

Pa o bii la dɛ́ ɡel o nya la te o kaa, ásɛ a chiɡ heyaa kɛrɛdɛ hé dɔ mkpajaŋ.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Mmarare 6:18

Hɛ́ɛ ɛ anɔ la Korowii aa ŋɔa a wer dɛɛ su o siwi, ásɛ a chiɡ heyaa kɛrɛdɛ he won lɛ harɛdɛɛɡe waa baɡɛ he naawa nyoa dɛ ŋwɛɛ o waa la wa,

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Rut Tɔn 3:1

Awola bɛl, Naomi ŋɔ Rut be ŋɔ, “N bie, a chɛ kɛ ń nyin jaa tɛɛ ásɛ he ne ó so.