Ɛfesos 5:5 - mzwDBL

⁵ Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Ɛfesos 5:5 Iomraidhean Croise

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

We-ɛɛla 20:32

N kpɔ heyaa do Korowii nɔn ta ásɛ o kpoŋe heya, ásɛ o nɛra nɛɛ suna waa la won do he bambile bini ásɛ he do kpeɡri, dɛ́ won di kapɛrɛsom la waa ɛa cheɡ nɛra waa laa ba doŋa bwa kpɔ ba nɛɛ asɛ ba ɛ o ɡbo nɛra la.

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

Galaasia 5:21

ne bɔweela, ne dɛɛra dɛ́ dɛɛ do ɡbɔɡa kohona, dɛ wesale aa do ken nɔ. N fa ŋɔ he be wubwa ŋɔ hé nyiŋi kɛrɛdɛ, dɛ ŋɔ nɛra baa dɛ ɛ ɡɛ waa nɔ la, baa Korowii Kora la ta jae ba. N berɔ kwaa dɛɛ lii heyaa ja.

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.