Ɛfesos 5:4 - mzwDBL

⁴ Hɛ́ɛ nyiŋi kɛrɛdɛ he wobol bini, dɛ bɛ wobochɔɡa ne ɡɛnewobol ne wobosale dɛɛ bol. A ta chɛ kɛ hɛ́ɛ bola. Hé ɡel he wobol ɛ Korowii kpɛɛra wa.

Ɛfesos 5:4 Iomraidhean Croise

Yela 33:1

Nɛra he wa aa toɡra bwa, hé ɡo silɛɛ yela kpɛɛ Korowii waa waa ɛa wa, nɛra haa dɛ teŋɛ o waa ta bwa, hé kpɛɛro.

Yela 92:1

N Naa Korowii, a wer kɛ ya kpɛɛre, dɛ́ ɡo yela kpɛɛ hen Nemenɛ Korowii sɔn,

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 26:19

do kɛŋɔ nɛn waa dɛ neɡre o dɔŋ dɛ́ yon berɛ ŋɔ, hɛlaa wɛɛ hɛlɛ.

Wejereme 10:13

Gɛne bol wa aa, a ɛ ɡɛne wobol, a tona bini do kɛ choɡla te wobol.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Amanesoma Mak Aa Chwera Tɔn 7:22

ne dɔŋa haahna nyina ne kwaa ta sibeɡra, ne musu wa ne nɛra faahra, ne pɛlchɔɡa we-ɛɛla ne kayɛɡlɛ, ne dɔŋa ŋwala ne karamani wa dɛ liire bɛ dɔe, bambile binii a le.

Amanesoma Jɔn Aa Chwera Tɔn 6:23

Asɛ ɡbeni ane le bwɛɛ bɛl baa dɛ yerɔ Tibeerias ta, dɛ ba leebɔɔ la ta bela nɛra la aa soɡa Yeesu kpɔ paanoo dɛ jam Korowii a waa dɛ bɔne tɛɛ ba ba di la.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

2 Kɔrent 1:11

Hé cha yaa dɛɛ soŋe Korowii, ásɛ dɛ o baa no he wesoŋa dɛ cha yaa aa, nɛra won kpɔ jam tɛo pirim dɛ́ tɛ yaa kɛŋɔ waa no nɛndamanta wesoŋa baa soŋa tɛ yaa la.

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

Ɛfesos 1:16

n ta ɛɛ jam Korowii he waa saŋ bɛlbwa, dɛ soŋo dɛɛ tɛ heya.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Kolosi 3:8

Kɛ a chɛ kɛŋɔ hé ɡel a bwa sekwaraa taraken te. Hé laa bandia kpɔ he waa ta, he baah bɛ dɛɛ di saɡasaɡa, hé ɡel meesɔhwa, he bɛ dɔŋa dɛɛ chɛɡre, he bɛ ɡel wobochɔɡa ɛɛ le he nyoo.

1 Tesalonika 3:9

Bɔkwa jaamee yaa ba wona kpɔ tɛ Korowii he waɔ? Silɛɛ yaa dɔa le Korowii be nɔ kan. He waa ɡela ya sie lɛ la.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

Faelemɔn 1:8

He nɛnnyin nomanta, n dɛ nyin kɛ n soŋe waane. N fe dɔ ŋwɛnɛ Yeesu Kristo be pera kɛŋɔ ń di kpeɡri he nɛɛ dɛ́ ŋɔ hé ɛ ɡɛ aa wera kɛŋɔ he ɛ, kɛ maa ɡɛɛ ɛ.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 2:7

Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.

Tɔn Jud Aa Chwera 1:10

Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.