Ɛfesos 5:2 - mzwDBL

² A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Ɛfesos 5:2 Iomraidhean Croise

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 3:16

Sɔfo la fuah saraha kon la ta bela, kɛŋɔ mea saraha baa fuah dɛɛ tɛ men Korowii a sɔɔh ɛɛ do n som kohona la. Ol la noorare bwa ɛ n kwa, bá fuah.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Nɛra Kura 7:21

ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Kɔrent 16:14

Hé kpɔ nɛnnyin dɛɛ ɛ wobɛlbwa dɛɛ tɛ nɛra.

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 2:15

Yeesu Kristo ɡelɔ ya ɛ daawiile a sɔɔh aa soma Korowii be, ásɛ nɛra Korowii aa dɛ lɛɛ ba, ne banɔ la baa nyoɡre ŋwɛnɛ dɛɛ ba chɔɡa ta bwa ɛɛ no ya sɔɔh.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Ɛfesos 4:15

Korowii dɛ nyin kɛŋɔ ya lawɛ kasinteŋ la bini kɛrɛdɛ dɛɛ bola dɔŋa be nɛnnyin ne, ásɛ ya won kpeɡ kɛrɛdɛ dɛ́ do ɡɛ Yeesu Kristo aa doa. Onee ya nyu.

Ɛfesos 4:2

Hɛ́ɛ sɔɔh bwara dɛɛ pwɛr he te, dɛ́ koh dɔŋa nyina waa dɛ́ dɔ bambile dɔŋa nɛ,

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

Mmarare 27:6

Bwea baa wola an sɛɛh nee chɛ kɛŋɔ hé kpɔ ɛ kon baa dɛ ɛ saraha o ta dɛɛ tɛ Korowii haa dɛ tomɔ la. O taa chɛ kɛŋɔ hé fuh kwaa baa kpɔa dɛɛ ɛ saraha dɛɛ tɛ Korowii haa dɛ tomɔ nɔ.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

1 Timoti 2:6

waa kpɔ o te tɛ kɛŋɔ ba kpɔɔ charɛ nɛra bwa nyu la. Gɛ saŋ aa chɛ kɛŋɔ waa nɔ maɡre la taa a den chiɡ la. O ɛ ɡɛ a ɛ danseɛ dɛ chɔ le saŋ bɛlbwa.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 8:3

Sɔfonomoa bɛlbwa tomaa kɛŋɔ wɛɛ fuh kwaa dɛɛ tɛ Korowii, dɛɛ ɛ saraha ɡe. Anomanta, a hiaoh kɛŋɔ ya Sɔfonomoa nɔ ɡe dɔ kwaa waa kpɔ dɛɛ tɛ Korowii.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Hibru 9:23

A ɡɛ kwaa la bwa, dɛ Korowii doa kwaa la chaaree a bwa. Dɛ ɡɛɛ chɛ kɛ ba fee doŋa a ta. Kɛ Korowii doa kwaa la te ɡbaɡba la, kwaa baa kpɔa dɛɛ ɛ saraha dɛɛ fee a doŋa la ɡwaa anɔ.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,