Ɛfesos 5:10 - mzwDBL

¹⁰ Anomanta, hé jemɛ waa haa ɛ aa lɛ Korowii sie,

Ɛfesos 5:10 Iomraidhean Croise

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Aesaya 58:5

Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Tɔn Pɔɔl Aa Chwerɛ Rom Tena 14:18

Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

1 Tesalonika 5:21

Kɛ hé nyiŋi ba webaɡla, ásɛ dɛ lawɛ anɔ la aa wera la bini.

1 Timoti 2:3

Gɛɛ wera, dɛɛ lɛ ya Lɛɛ Korowii sie.

1 Timoti 5:4

Kɛ dɛ luhaah bɛl lole dɛ dɔ bii kɛɛ naanar aa, a chɛ kɛ ba jemɛ ɡɛ ba ne waa so, ba nyiŋu, dɛkalkɛŋɔ a wer kɛŋɔ nɛra baa dɛ teŋɛ Korowii waa ta la ɛɛ ɛ wedɛɛɡa dɛɛ nyiŋi ba lolanar ɡɛ ba ɡe fa aa koh ba nɛɛ la. Gɛɛ dɛɛ su Korowii siwi.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

1 Pita 2:20

Haa ɛ wechɔɡa, asɛ dɛ lawɛ bambile ba lɔɔre a waa la, bɔkwa sɔnee lɔ he bambile lawa la ta nɔ? He ɛ wedɛɛɡa, ba ɡarɛ koh a waa dɛɛ ɛɛ hɔhɔrɔwa he lawɛ bambile aa, a ɛ sɔn dɛɛ tɛɛ Korowii be.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Samoɛl 17:39

Devid kpɔ o laa kere sɛɡle laa batakaare la ta, dɛ kpɔ valɛ bar tama, dɛkalkɛŋɔ dɛ ɡɛ laala ta on manɛ. O ŋɔ Kooro Sɔɔl be ŋɔ, “Maa won valɛ ane, n ta ane doe bwa,” anomanta, o foo laala la bil.