Ɛfesos 5:1 - mzwDBL

¹ He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Ɛfesos 5:1 Iomraidhean Croise

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Lewi Dea Tena 11:45

Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

1 Jɔn 4:11

Yabala, dɛ kenii Korowii ɛɛ nyin yaa te naa, amɔ a chɛ kɛŋɔ yá nyin dɔŋa.