Ɛfesos 4:4 - mzwDBL

⁴ Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Ɛfesos 4:4 Iomraidhean Croise

Yela 122:8

N lolanar ne n daamanar nomanta, n soŋe deŋnesɔɔhna dɛɛ tɛ Jerusalam tena!

Jeremia 14:8

He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Jeremia 17:7

Kɛ nomɛlbwa waa kpɔ o te dawɛ n nɛɛ la, o na som.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

We-ɛɛla 15:11

Aa maɡre! Yarada yaa yarada ya Dɔɔ Yeesu la waa o na ya sum dɛ cha yaa, dɛ lɛ yaa. Gɛ tentenee ba ɡe yaradao o lɛɛ ba.”

Tɔn Pɔɔl Aa Chwerɛ Rom Tena 11:29

Korowii te dɔɔ ŋɔ o nɛnee nɛn, dɛ ŋɔ wɛɛ ɛo wedɛɛɡaa yaa, waa nsana le.

1 Kɔrent 10:17

Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.

1 Kɔrent 12:20

Ya bwadabii peɡra la koɡrɔ, kɛ bwadabii la te ɛ kombeŋkpoŋ.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 2:16

Waa la bwa a fa aa vɔrɔwe yaa ya hah dɔŋa la, o chɔɡ a bwa ta daɡaɡre la ta dɛ ɡel ya bwa ɛ beŋkpoŋ, dɛ berɛ lawɛ ya ne Korowii pɛ.

Ɛfesos 2:18

Onee ɡela ya bwa dɔ Korowii Domadɛɛɡe la, dɛ che o nɛɛ dɛ won dɛɛ tel o Mɛɛ la be.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

Ɛfesos 4:1

Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.

Ɛfesos 5:30

Ya bwa ɛ o bwadabii la pera.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Kolosi 3:15

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.