Ɛfesos 4:30 - mzwDBL

³⁰ He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Ɛfesos 4:30 Iomraidhean Croise

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

Mumpar 6:6

o bambile bini chɔɡɔ kɛ waa ta nɛwɛnyina ba harɛ nɔ ta. Gɛ waa nɔ aa we o nɛɛ kohona nomanta o ŋɔ,

Yela 78:40

Keraŋwɛnɛ bwaa ba ɛ deŋnekpeɡ o nɛ, pua hɛŋle ɡbo harɛ ta, dɛ teŋɛ ɡel o bambile chɔɡ.

Yela 95:10

Bene fifraanaarɛ bwaa n baah di ba nɛ, asɛ n ŋɔ, ‘Ba deŋne kpeɡri! Ba vɛh waa maa do ba a ta.’

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Ɛsekeɛl 16:43

He ta ɡɛ maa ɛɛ he toli saŋ la liire, dɛ ka ɛ waa maa kia nɔ bwa, dɛ ir n bandia, a waa mɛɛ ba he deŋne tɛra la. Ɛrɛɛ he berɛ kpɔ jwamane ja waa maa kia la bwa ta nɔɔ? Men Nemenɛ Korowiirii bola.’ ”

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Amanesoma Luk Aa Chwera Tɔn 21:28

Dɛ ɡɛ waa nɔ baa pa mun dɛɛ ɛ aa, hé kpɔ he te dɛɛ kpa, dɛkalkɛ he Lɛɛ tɔpere la telo.”

Amanesoma Jɔn Aa Chwera Tɔn 3:33

Nomɛlbwa sɛh Korowii wa aa, o ɡbaɡba wono dɛɛ jemɛ kɛ Korowii waa dɔ kasinteŋ.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 15:54

Dɛ onɔ la waa wola sewɛ, waa wola pɔh la baa chiɡ onɔ la waa dɛ sewɛ, dɛɛ pɔh la naa ta naa, belaa waa baa chwera do Korowii Tɔn bini la ɛɛ ba kpela ɛɛ. Ba chwerɔ ŋɔ, “O kpɔ kpeɡri pɔ seo nɛ.”

1 Tesalonika 5:19

He bɛ ɡel Korowii Domadɛɛɡe waa soɡe he nɛɛ la nyoa sɔɔh.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 3:10

Anomanta, n baah di ɡɛ nɛra la nɛ, asɛ n ŋɔ ba bambile ta n waa lawɛ bwa, asɛ ba vɛh n waa ta teŋa.

Hibru 3:17

Lepetena nɛɛ Korowii baah di bene fifraanaarɛ nɔɔ? Nɛra baa ɛ wechɔɡa dɛ serewe kpɔɡ baah la, ba nɛɛ o baah di.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.