Ɛfesos 4:26 - mzwDBL

²⁶ Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Ɛfesos 4:26 Iomraidhean Croise

Yela 37:8

Hé laa he te kpɔ tebinichɔɡ ne bandia ta, wechɔɡa ɡbo taa aa kaa nɛn ne.

Yela 4:4

He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Mmarare 24:15

Tɔpebir toma waa ɛ tɛɛ la, bɔɔ kem dɛ bɛ ɡel wee jo a ta, dɛkalkɛŋɔ a hiaoh, a taa o sie dawɛ. Dɛ he ta on tɛɛ yaa, wɛɛ wiu no Korowii ta he nɛ, ásɛ a ɛ wechɔɡa tɛɛ.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 1:20

Nɛwɛnyini bandia aa wobɛlbwa kwaa Korowii ŋwɛnɛdɛɛɡe teŋa ta.

1 Samoɛl 20:34

Jonatan iro o baah di kohona o le teebur ta, a ɡɛ Korobifale Tɔpejen la tɔpenɛɛte la ta. O ta kwaa dii, dɛkalkɛ a dɛ we o nɛ, sihihwaa o mɛɛ aa ɛa dɛ chɛɡre Devid la.