Ɛfesos 4:2 - mzwDBL

² Hɛ́ɛ sɔɔh bwara dɛɛ pwɛr he te, dɛ́ koh dɔŋa nyina waa dɛ́ dɔ bambile dɔŋa nɛ,

Ɛfesos 4:2 Iomraidhean Croise

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

Yela 45:4

Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

Sɛɡla 16:19

He pwɛre he te dɛ nya bɔ ɡwaa kɛŋɔ he ne mbarafo tena aa bɔne laa ta kwa.

Sɛɡla 3:34

Korowii dɛ mamɛ mbarafo tena baa dɛ mamɛ ba bala, dɛɛ sune nɛra baa dɛ pwɛr ba te la nɛ.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Kɔrent 13:7

Dɛ nɛn dɛ nyin nɛn aa, wɛɛ pwɛr o tenee tɛo wobɛlbwa ta. O dɛ yaradao wobɛlbwa waa dɛ ɛ ta, dɛ dɔ hwɛɡa ne bambile wobɛlbwa ta.

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.