Ɛfesos 4:13 - mzwDBL

¹³ ásɛ ya bwa won dɔ nyopɛo yarada yaa yarada Korowii Bie ne jema yaa jemɔ la ta kɛrɛdɛ dɛ ka tonɛ, dɛ won kpeɡ kɛrɛdɛ kɛŋɔ nomonome o nɛɛ teŋa ta, ɡɛ Yeesu Kristo aa doa la. Onee ya kpɔ dɛɛ maɡɛ ya te dɛ́ jemɛ ɡɛ yaa kpeɡ.

Ɛfesos 4:13 Iomraidhean Croise

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Amanesoma Jɔn Aa Chwera Tɔn 1:16

Korowii chao kohona asɛ o ɡe na ya sum dɛɛ tɛ yaa andɛɛɡa saŋ bɛlbwa, waa wola ɡel bwa.

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 1:23

asɛ ba ɡe ɛ o bwadabi. Onee kana ɡa dɛ won su harɛ nɔ bwa, kɛ asɔre tena laanee ɡela o waa dɔ nyɛl ka tonɛ.

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Ɛfesos 4:3

dɛ́ swɛɛ siwi hé ne he bala baah do wer saŋ bɛlbwa, dɛ bɛ nyopɛo la Korowii Domadɛɛɡe aa tɛ heyaa la chɔɡ.

Ɛfesos 4:5

Ya bwa Dɔɔ lɔ beŋkpoŋ. Waa ya bwa aa dɛ yarada, ne Korowii nee baa sɔ ya bwa la ɡe ɛ beŋkpoŋ.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

2 Pita 1:4

Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.