Ɛfesos 4:11 - mzwDBL

¹¹ Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Ɛfesos 4:11 Iomraidhean Croise

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 21:8

Tɔ aa pera la, ya le bela dɛ ba Sisaaria, dɛ ba choɡ Felep. Dɛ o ɛ nɛra banuanɛ ba fa aa lee ba Jerusalam ŋɔ báa nyiŋi suuɡa waa ta la bɛl. Dɛ o dɛ ɡaaɡe dɛɛ bol Korowii Wa.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

1 Kɔrent 12:4

Kpeɡri Korowii Domadɛɛɡe la aa cha nɛra ba dɔ la koɡrɔ, kɛ Doma beŋkpoŋ laanee tɛ a bwa.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Ɛfesos 4:8

Ba chwerɛ Korowii Tɔn bini ŋɔ, “O teehnɔ kaa nyundua, dɛ lawɛ nɛra waa laɡ ba laa ta kaa, asɛ o kɛ nɛra kwa.”

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Hibru 5:12

Haa lea hweli waa nɔ biɡro, a chɛ kɛ saŋ nɔ he fe aa jema dɛɛ baɡle nɛra a wa. Kɛ he ta do kɛ nɛra baa pa mun dɛɛ hweli Korowii wa, asɛ a chɛ kɛ ba le mun ta dɛ́ baɡ ba a wa. A fe aa chɛ kɛ he won dɛɛ di kondikwaa tenten la, elee he ta ɛɛ ɔr.

Tɔn Jud Aa Chwera 1:17

N dandɛɛɡa, hɛ́ɛ lii waa ya Dɔɔ Yeesu Kristo toroma la fa aa bol he be la.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 21:14

Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.