Ɛfesos 2:2 - mzwDBL

² He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

Ɛfesos 2:2 Iomraidhean Croise

Job Tɔn 1:16

Torome la nyoa taa lɔ waa la ta wɛɛ bol la, dɛ torome la bɛl ɡe balɔ dɛ ba ŋɔ, “Bwaala kɔrɔ jo ya ne kondɛɛra la bini, dɛ fuh a ne n bala la bwa. N ɡboo le a nyoa, asɛ dɛ baa bol he be la.”

Job Tɔn 1:19

asɛ peukpeɡ den ta le pua hɛŋle ɡbo harɛ ta dɛ ba lɔ dem la, o bwa ku chole ba nɛɛ ba bwa serewe. N ɡboo wona le a nyoa, dɛ baa bol he be la.”

Job Tɔn 1:7

Anee Korowii pɛɛ Bɔnsam ŋɔ, “Leperaa he le dɛ ba nɔ?” O ŋɔ, “Gaaɡaa n do harɛ nɔ ta dɛ ɡaaɡe la dɛɛ ba.”

Job Tɔn 31:7

dɛ n bɛɡɔ le o ŋwɛnɛ la ta, dɛ n siwi ɡelɔ n bambile lawɛ wechɔɡa kɛɛ dɛ n ɛ wechɔɡa dɛ kah doŋa aa,

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Aesaya 57:4

Ume loroo hɛɛ di nɔɔ? Ume baahnee hɛɛ muɡli dɛɛ mile he nyoo o nɛɛ nɔɔ? Deŋnekpeɡ tena naanar ne nyosonteŋna dwee laa heyaa?

Jeremia 23:10

Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Lewi Dea Tena 11:16

ne kwiu bwa soo siwi, ne jumbijen waa lɔ mpo ta dɛ kɔla te bwa soo siwi,

Matiu 11:19

Asɛ Men Nɛn Bie la te aa bala la, n di kwa, dɛ nyɔ sen ɡe, asɛ nomɛlbwa berɛ ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa ɛ o daamanar.’ ” Waa bol ɡɛ tonɛ la, anee o ŋɔ, “Wejereme bɛlbwa we-ɛɛla taa a che baa jemɛ kɛ o ɛ wejereme.”

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 13:38

Harɛ ta bonɔɔ ɛ koo la. Mea tenten laanee nɛra baa ja Korowii Kora la ta la, asɛ kpɔɡchɔɡa la ɡe che tɛ nɛra baa lɔ Bɔnsam be pera.

Amanesoma Mak Aa Chwera Tɔn 4:19

dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Amanesoma Luk Aa Chwera Tɔn 16:8

Anee bonɔɔ naŋɡarawa te nɔ dɔɔ la aa noa la, o kpɛɛro ŋɔ o ɛa wejema ta.” Yeesu aa sɛɡ ba tonɛ la, o ŋɔ, “Nɛra baa dɔ harɛ nɔ ta liire la, ba dɔ wejema ba ne ba bala kpoŋa dɛ ɡwaa nɛra ba sie aa chaah Korowii waa ta la.”

Amanesoma Luk Aa Chwera Tɔn 22:31

Yeesu berɔ ŋɔ, “Seemɔn, no! Bɔnsam soŋe Korowii ŋwɛnɛ dɛ́ daah heyaa na, kɛŋɔ haah yon palɛ mea dɛ laa a haahra kpɔ a ta la ken.

Amanesoma Jɔn Aa Chwera Tɔn 12:31

Tɔpere Korowii aa bol harɛ nɔ ta nɛra bwa waa dɛ́ pa bole la telo, asɛ name ɡee mɛɛ ba ń doŋi Bɔnsam waa ɛ harɛ nɔ ta kooro la ta.

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

Amanesoma Jɔn Aa Chwera Tɔn 13:27

Waa tɛr nɔn dɛ lɛ paanoo la, Bɔnsam den ba so o nɛ. Asɛ Yeesu ŋɔ o be ŋɔ, “Ir ka ɛ waa haa dɛ ba ɛɛ la warane.”

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 15:19

Dɛ he fe ɛ ba bini bane aa, ba fe ɛɛ nyin heyaa. Kɛ maa le heyaa le ba bini he ɛ n nɛra la waa ba hah heyaa la.

Amanesoma Jɔn Aa Chwera Tɔn 16:11

Wɛɛ di ba kasinteŋii Korowii bole pae la ta, dɛkalkɛŋɔ Korowii bol harɛ nɔ ta kpeɡnɛn la waa dɛ pao bolchɔɡe.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Amanesoma Jɔn Aa Chwera Tɔn 8:23

Belaa Yeesu chaŋ ba ŋɔ, “Harɛ nɔ ta nɛraa heya, asɛ n ɡe le nyundua. He le harɛ nɔ ta, kɛ n te, harɛ nɔ ta laa n le.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

We-ɛɛla 19:35

Belaa ba bwɛjen karake nomoa waa chɔ ba nyoa la le dɛ ɡel ba tɔ nyoa. Baa tɔ nyoa la, o ŋɔ ba be ŋɔ, “Yabala Ɛfesos tena, nomɛlbwa jemɔ kɛŋɔ ya bwɛɛ nɔɔ dɔ ya voɡjen Aatemes voɡ dea dɛɛ nyiŋi o ta. Yanee dɔ Aatemes bwe la aa le Korowii doa ba le harɛ la ɡe.

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Kɔrent 5:10

Banɔ la baa wola Korowii tomɛ dɛɛ bɔ jwamane, ba sie ɛɛ beɡre kwa, baa tomɛ voɡa la, ba te laa n ŋɔ hé laa he te kpɔ ba nɛɛ nɔ, dɛkalkɛ ba te lɔ bobɛlbwa. Haa lɔ harɛ nɔ ta nɔ, haa won laa he te kpɔ ba nɛ!

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Ɛfesos 1:21

o dɔ kpeɡri kɛrɛdɛ ɡa, dɛ ɡwaa kpeɡri konchɔɡa aa bea yaa wola an na bwa soo siwi aa dɔa, dɛ dɔ sɔn ɡwaa komɛlbwa kɛɛ nomɛlbwa waa lole taraken ne nɛra baa dɛ ba bala tɔpere aa dɛ ba bala la ta.

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

Kolosi 1:21

He fa aa Korowii jemɛ dɛ ɛ o dɔma, dɛkalkɛŋɔ he fa dɛ lii liichɔɡa, dɛɛ ɛ wechɔɡa.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Jems 1:7

Nɛn o liire aa ɛ anɛ la dɛ chole, o wobɛlbwa aa maɡre.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

1 Pita 1:14

Haa ɛ Korowii bii dɛɛ no o deŋna waa nomanta, he bɛ he pɛlchɔɡa waa he fa aa lɔ biro ta dɛɛ teŋɛ a ta la dɛɛ ɛ.

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

1 Jɔn 5:4

dɛkalkɛ nomɛlbwa waa ɛ Korowii bie la won harɛ nɔ ta liire ne o komɛlbwa nɛɛ pɔe. Ya cheɡɛ yarada yaa dɛ yarada Yeesu la ta dɛ pɔ a nɛ.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

Wepila 20:2

O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,