Ɛfesos 1:11 - mzwDBL

¹¹ Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 1:11 Iomraidhean Croise

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Job Tɔn 33:29

Korowii ɛ ɡɛ waa nɔ bwa dɛɛ tɛ nɛn kera anɛ, hale kera atoro,

Yela 37:18

Korowii jemɛ nɛra wechɔɡa aa wola toole ba nɛɛ wa, baa dɔ harɛ laanee ó ɛ ba kapɛrɛ kon, saŋ bɛlbwa dɛɛ la.

Sɛɡla 8:14

N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Jeremia 23:18

Kɛ keamere nɔ bɛlbwa aa Korowii liire ne o wesɔɔhla jemɛ. Bɛlbwa toole dɛ no, kɛɛ dɛ jemɛ o waa la mun.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

We-ɛɛla 13:48

Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 20:32

N kpɔ heyaa do Korowii nɔn ta ásɛ o kpoŋe heya, ásɛ o nɛra nɛɛ suna waa la won do he bambile bini ásɛ he do kpeɡri, dɛ́ won di kapɛrɛsom la waa ɛa cheɡ nɛra waa laa ba doŋa bwa kpɔ ba nɛɛ asɛ ba ɛ o ɡbo nɛra la.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Tɔn Pɔɔl Aa Chwerɛ Rom Tena 11:34

Anee Korowii Tɔn baɡle la. O bolɔ ŋɔ, “Umee jemɛ Korowii nyu bini nɔ? Umee dɛ́ won baɡlo waɔ?

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

Tɔn Pɔɔl Aa Chwerɛ Rom Tena 8:30

Anomanta, nɛra Korowii aa tɔ sie lee ba ɡɛ la, o lee ba ŋɔ bá ɛ o toma. Waa lee ba ŋɔ bá ɛ o toma la, o lɛɛ ba kɛ nɛndɛɛɡa ba waa su o siwi, asɛ o tɛɛ ba ŋwɛnɛ kɛŋɔ ba ba so o jwɛh dɛ́ dɔ jirima.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Galaasia 3:18

Dɛ Mosis Mmara la ta teŋa taa aa ba cheɡa Korowii ɛ yaa o wedɛɛɡe la te naa, ate dɛ o nyoa waa baɡɛ Abraham la ɛ pɛɛ. Kɛ ɡɛ laa a do. Nyoa Korowii aa baɡɛ Abraham la waa o sune o nɛɛ dɛ chao, dɛ ŋɔ wɛɛ ɛo wedɛɛɡee la.

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

Ɛfesos 1:8

O ta dɛ cha yaa kɛrɛdɛ ya won dɔ wejema ne liire.

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 3:11

Gɛ waa cheɡa wubwa la, ya Dɔɔ Yeesu Kristo aa bala la, a wono ɛ ɡɛ.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

Kolosi 3:24

He Dɔɔ Yeesu Kristoo he ɛ dɛɛ tɛ. He jemɛ kɛŋɔ o bee hɛɛ ba kembɔr waa kpɔa cheɡ o nɛra la dɔe.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

Hibru 6:17

Dɛ Korowii dɛ nyin o baɡle nɛra baa dɛ ba kon waa baɡ ba nyoa ŋɔ wɛɛ ɛo tɛɛ ba la kɛŋɔ waa o liire chara ba bwa, a waa o ŋwɛɛ la.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.