Ɛfesos 1:10 - mzwDBL

¹⁰ asɛ a ɛ ɡɛ saŋ la waa liira la. O cheɡa kɛŋɔ wɛɛ ɡeloo nyundua ne harɛ ta komɛlbwa ɛ beŋkpoŋ, ásɛ Yeesu Kristo ɛ ba Dɔɔ.

Ɛfesos 1:10 Iomraidhean Croise

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Matiu 25:32

ásɛ nɛwɛnyina baa lɔ harɛ bɛlbwa ta ba cheme n sie. Mɛɛ peɡri ba bini bɔre anɛɛ, ɡɛ peteɡre aa dɛ peɡri o peera ne o boohna bini la.

Amanesoma Mak Aa Chwera Tɔn 1:15

O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

1 Kɔrent 11:3

N dɛ nyin kɛ he jemɛ kɛŋɔ Yeesu Kristoo baa bɛlbwa nomoa, asɛ baa ɛ haah nomoa, Korowii ɡe ɛ Yeesu Kristo nomoa.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

Ɛfesos 3:15

Onee komɛlbwa waa lɔ nyundua ne harɛ bwa Mɛɛ. O bee ba mɛɛnanar lɛ ba sɔn ne ba kpeɡri dɛɛ di.

Ɛfesos 3:2

He ken no ɡɛ Korowii aa sune n nɛɛ dɛ cha mɛ kɛrɛdɛ n won dɛɛ cha heyaa la.

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.

Kolosi 1:20

O ɛ ɡɛ dɛ che o Bie la nɛɛ dɛ kwaa o ne kwaa aa lɔ nyundua ne harɛ bwa baah. O ɡelɔ o Bie sewɛ daɡaɡre la ta o chal kwaa wobɛlbwa.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 11:40

Korowii lii waa aa wera cheɡ ya fini nɔ tena, dɛ ŋɔ a ɡɛ nɛra la ɡbo aa won do kaih ka tonɛ, nemenɛ kɛŋɔ ya ne ba bwa aa pɛa dɛ do kaih.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

1 Pita 1:20

Korowii aa leo ŋɔ ó ɛ a ɡɛ toma nɔ, dɛ ba ta nyundua ne harɛ tae mɔɔ. Kɛ he waa o koh dɛ ɡel o ba harɛ nɛra nao, tɔpera aa ka mun nɔ ta la.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,