Daneɛl 1:2 - mzwDBL

² Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 1:2 Iomraidhean Croise

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Mumpar 11:2

Ba iro dɛ ɡaaɡe wee leebɔr dɛ ka le Babelɔn tena deŋɡarere harɛ waa chɔa kaa ta, dɛ ka so bela.

2 Koranar 24:1

Kooro Jehoiakim kora dii saŋ, Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, asɛ Kooro Jehoiakim do o lɔɡa bene atoro dɛɛ tomɔ. Kɛ o berɔ le Kooro Nebukadnesa habɔɔ.

2 Webena 36:5

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. O ɛ wechɔɡa dɛ jo Korowii waa dɛ tomɔ nɛ.

2 Webena 36:7

Kooro Nebukadnesa berɔ pa laala a yoɡ aa kpeɡa, dɛ do Korowii Dea la kaa Babelɔn ka do o koodem bela.

Ɛsra 1:7

A bwa habɔɔ la, Koojen Saeros berɔ kpɔ laala aa lɔ Korowii Dea Jerusalam Kooro Nebukadnesa fa aa paa, dɛ kpɔ ba cheɡ o voɡ dea bini la ba tɛɛ ba.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 42:24

Umee kpɔ Israel tena do nɛnchɔɡa nɔn ta ba kah ba kwaa kaa lɔ? Korowii baa ɛo wechɔɡa la laa aa? Ba vɛh o ŋwɛnɛre ta teŋa, ba ta o Mmarare waa la noɛ.

Jeremia 25:1

Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta.

Jeremia 27:16

Belaa n ŋɔ sɔfore la ne nɛra la be waa Korowii fa aa bola ŋɔ, “He bɛ keamere baa dɛ bol ŋɔ aa biɡri bá berɛ kpɔ laala a yoɡ aa kpeɡa dɛ faa do Korowii Dea bonɔ la le Babelɔn ba la be no. Neɡraa baa neɡre heyaa la.

Jeremia 28:3

Bene anɛ ne tela dɛ n ɡelɔ ba kpɔ laala a yoɡ aa kpeɡa dɛ fa do Korowii Dea, Babelɔn Kooro Nebukadnesa paa le bonɔ la, dɛ́ berɛ ba a ne.

Jeremia 35:11

Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Daneɛl 5:13

Anomanta, ba laŋɔ ka kpɔ Daneɛl ba kooro sie, asɛ o pɛɛro ŋɔ, “Henee Daneɛl, haa ja nɛra n mɛɛ Kooro Nebukadnesa aa laɡ ba le Juda harɛ ta dɛ ba Babelɔn nɛɛ la aa?

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Sekaria 5:11

O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Sitɔɔla 3:8

Anomanta, Korowii baah di ba nɛɛ kohona dɛ kpɔ ba do Mɛsopoteemea Kooro Kusan Risataim nɔn ta, asɛ ba tomɔ bene anuatoro.

Sitɔɔla 4:2

Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.

1 Samoɛl 5:2

Asɛ ba kpɔ ka cheɡ ba voɡ baa dɛ yerɔ Daɡɔn dea, o che voɡ la jwɛh.