Daneɛl 1:1 - mzwDBL

¹ Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.

Daneɛl 1:1 Iomraidhean Croise

2 Koranar 23:36

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. Dɛ o nya sɔne Sebida, o ɡe mɛɛ sɔne Pɛdaya, o le Ruma.

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

Aesaya 39:7

Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”

Jeremia 25:1

Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta.

Jeremia 35:1

Gɛ saŋ Juda Kooro Josia bibaa Jehoiakim aa di kora Juda harɛ la, Korowii bol waa men Jeremia be ŋɔ,

Jeremia 35:11

Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”

Jeremia 36:1

Juda Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be ŋɔ,

Jeremia 45:1

Waa Korowii keame Jeremia aa bol Nɛrea bibaa Baruk be, ɡɛ saŋ Juda Kooro Josia bibaa Jehoiakim aa di kora bene anaarɛ ta la, dɛ Baruk dɛ chwerɛ waa Jeremia aa dɛ bol.

Jeremia 50:1

Korowii cheɡɛ men o keame Jeremia nɛɛ dɛ bol Babelɔn harɛ ne nɛra baa lɔ o ta waa ŋɔ,

Jeremia 52:12

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera fi ta la, o laa sitɔɔ Nebusaradan la Jerusalam.

Jeremia 52:28

Nɛra Babelɔn Kooro Nebukadnesa aa laɡ ba laa ta kaa bojaŋ harɛfale ta laanee teŋa nɔ. O kora dii bene anuanɛ ta la, Juu tena lɔ kaɡboŋa batoro fifraanɛ dɛ batoro,

Daneɛl 5:13

Anomanta, ba laŋɔ ka kpɔ Daneɛl ba kooro sie, asɛ o pɛɛro ŋɔ, “Henee Daneɛl, haa ja nɛra n mɛɛ Kooro Nebukadnesa aa laɡ ba le Juda harɛ ta dɛ ba Babelɔn nɛɛ la aa?