Aesaya 9:4 - mzwDBL

⁴ He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Aesaya 9:4 Iomraidhean Croise

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

Yela 125:3

Nyubinikpeɡ tena aa won dɛɛ nyiŋi harɛ waa ɛ nɛra ba wa aa toɡra kon ta saŋ bɛlbwa. A ɛ ɡɛ naa, nɛra ba wa aa toɡra laanee bá na kɛŋɔ ba ken ɛ wechɔɡa.

Yela 81:6

“N lɛ he bone haa cheɡa dɛɛ koh, dɛ choɡ he bontɔɡa cheɡ harɛ.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 16:4

Hé ɡel ya Moab tena baa doŋi yaa ya ba marɛ nɔ dɔ sobɔr he harɛ ta. Hé tɔ yaa ɡbemɡbe, he bɛ ɡel ya dɔma dɔ yaa.” Wahala ɛɛ tonɔɔ, nɛŋkpoa ba a jaɡa, ásɛ nɛra baa dɛ vuuɡi harɛ la bwa ɡe le o ta.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.

Jeremia 30:8

Koranar Bwa Kooro ŋɔ, “Awola tɔpere la, mɛɛ kuuɡi kon waa do kɛŋɔ da, ba yon kpɔ dawɛ nae nɛɛ aa parɛ, ba kpɔ dawɛ Jekɔb naanar baŋa ta laanee, dɛ́ kuuɡi jɔɡrɔre la ɡe bwa. Ásɛ nɛŋhɔɔhra aa won dɛɛ fiɡ ba kpa.

Jeremia 48:17

Bwɛɛre haa soɡa baro bwa nɛra hé wi tɛo, hé nɛra haa na o jirima bwa ŋɔ, ‘Hé na ɡɛ kooro faahna waa kpeɡa dɛ dɔ jirima la aa kua.’

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Neehum 1:13

Mɛɛ teŋe kpeɡri Asiiria tena aa dɛ di he nɛɛ la taa, dɛ́ chaa jɔɡrɔre aa vɔrɔwe heyaa la.”