Aesaya 9:3 - mzwDBL

³ N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Aesaya 9:3 Iomraidhean Croise

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Job Tɔn 12:23

O won ɡela harɛ bɛl do kpeɡri dɛ́ chɔɡ bɛl ɡe, dɛ́ berɛ ɡel ba warɛ ó lɔ ba peɡre.

Yela 107:38

O swee ba andɛɛɡa ba dɔ bii kohona, ba nae ɡe ya kohona.

Yela 119:162

N sie lɛo mɛɛ hɛɡre he nyobaɡa la ta, kɛŋɔ nomɛl waa kpaah komɛl o yoɡ aa kpeɡa ken.

Yela 4:7

He ɡelɔ n dɔ silɛɛ kohona, ɡwaa silɛɛ nɛra yon dɔ, ɡɛ saŋ mea ne sen yon bu ba nɛɛ la.

Aesaya 10:26

Koranar Bwa Kooro ɛɛ lɔɔ baa chweema nee, ɡɛ waa ɛ Midian tena dɛ kpoo ba Oreb bwe ta la. Wɛɛ ir o daŋɡbalaa pa nee ta, ɡɛ waa ɛ Ijipt tena ba ka nee ta la.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 14:5

Korowii kuuɡi wechɔɡ-ɛɛra daŋɡbale, o ɡelɔ koranar kpeɡri sɔɔh.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 26:15

N Naa Korowii, he ɡelɔ ya harɛ do kan. He tuuh o jwɛhre kaa sie o do kan. He ɛ ɡɛ dɛ dɔ jirima nɛra be.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 54:1

Korowii ŋɔ, “Jerusalam haa do kɛŋɔ hambara, ɡel he sie lɛ hɛɛ moo, dɛkalkɛŋɔ haah o jaa aa chwao la ɛɛ ba dɔ biirii ɡwaa onɔ la o jaa aa wola on chwae.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Aesaya 65:18

Hé ɡel he sie lɛ hɛɛ hɛɡre saŋ bɛlbwa. N dɛ ba Jerusalamfale ɛɛ o do som, ásɛ o nɛra sie ɛɛ lɛ.

Aesaya 66:10

He banɔ la haa dɛ nyin Jerusalam waa la, he ne ó pɛ lɛ sie. Nɛra haa wia tɛo bwa ɡe hɛɡre.

Jeremia 31:7

Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Hosia 4:7

He sɔfore, haa dɛ warɛ la, dɛ he dɛ ɛɛ mɛ wechɔɡa kohona. Anomanta, mɛɛ ɡeloo he jirima berɛ sihiih.

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Sekaria 10:8

Mɛɛ yer baa, dɛ́ boa ba nyoa. Kasinteŋ, mɛɛ lɛɛ baa dɛ́ ɡel ba warɛ ɡɛ ba fa aa doa wubwa la.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Amanesoma Luk Aa Chwera Tɔn 11:22

Kɛ dɛ bɛl ɡe berɔ do kpeɡri ɡwaalo dɛ ka puu dɛ pɔ o nɛ aa, o dɛ kpɔ o dɔmkwaa waa kpɔ o sie dawɛ a ta la, dɛ́ kpɔ o kondɔɔh ja.

We-ɛɛla 8:8

asɛ bwɛjen la tena sie lɛ kɛrɛdɛ.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Sitɔɔla 5:3

Koranar, nɛra haa dɛ nyiŋi harɛre ta, hé cheɡ deŋne dɛ́ no! Mɛɛ ɡo yelaa kpɛɛ Korowii. Yelsomaa mɛɛ ba ɡoe tɛ Korowii Israel tena aa dɛ tomɔ.

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

Sitɔɔla 8:12

Midian koranar banɛ, Seba ne Salmuna chwao, kɛ Gedeɔn ti ba ka laɡ ba, asɛ ba laa tena la bwa chwa kaa.

1 Samoɛl 30:16

O tɔ Devid ne o laa tena la sie ba la Amalɛk tena la be, dɛ ba lɔɔ peɡre harɛ la ta bobɛlbwa, dɛ di kwaa dɛ nyɔ sen dɛɛ lɛ ba sie, dɛkalkɛ dɛ ba pa laala aa wara laa la ta le Filisti ne Juda harɛ ta.